Makatukilu 34:16 - O Mikanda Ikola

¹⁶ Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

Makatukilu 34:16 ပူးပေါင်းရင်းမြစ်များ

Dimatekenu 24:3

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu;

I Jisobha 11:1

Sobha Solomá anga u dizola ni ahatu avulu akua jixi jengi, akua Mouabhe, ni akua Amone, ni akua Idumeia, ni akua Sidone, ni akua Hiti, ku thandu dia monʼa Falaó, a sakanenenê kiá.

I Jisobha 21:25

Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Ejidala 9:12

Uila kiki, ki mua kà bhane anʼenu a ahatu ku anʼâ a mala; o anʼâ a ahatu ki mu a tambule phala anʼenu a mala. Athu eneʼá, nuka mu a sotela kutululuka kuâ mba mbote iâ; phala enu mu suine, ni mudie ioso ia beta kuuabha mu ixi, nda mu i xile anʼenu, i kale undundu uâ katé ku hádia ni hádia.

Ejidala 9:2

Mbata a tambula ku anʼa akuaʼxi, ahatu phala ene kusakana ni kusakanesa anʼâ a mala. O mu kubhanga kienhiki, o muiji ukôla iú, ua di fungisa ni akua jixi jenʼiji, katé o lukuaku lua adiakimi mudietu ni atumini luene lua dianga mu kutondala kuenhuku.

Nehemiia 10:30

Tua di bhela ue kizuelu, tuixi: Ki tu sakanesa anʼetu a ahatu ni malʼakua ixi ioio, né kusakanesa o anʼâ ahatu ni anʼetu a mala;

Nehemiia 10:31

ni kuila, akua ixi ki a bheka uenji uoso-uoso mu kizuua kia sabhalu, mba mu izuua ia kizokola, ni jimbundu joso-joso ja kusumbisa, etu ki tu sumbu-nâ kima mu sabhalu, mba mu kizuua kiòkole; ni mavu, etu a kudima, mu muvu ua kasambuadi tua nhohesa, ki tu bhingi-mu ku tu futa dikongo dioso-dioso.

Nehemiia 13:23

Anga ngi mona ue mu izuuʼomo, kuma akua Juda a sakanene ni ahatu a akua Asdode, ni akua Amone, ni akua Mouabhe.

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Hozeia 1:2

Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Ijila 21:15

Ka sekalesa o mbutu iê muʼaxaxi ka jindandu jê; mbata Eme ngi Jihova nga mu jingisa.

Josuué 23:12

Mukonda, hé mua sanduka kua Nzambi, anga mu di banda ku ifuẋi ia subhukʼei, mu ku tanga-nâ undandu, enu anga mua a sakana, ene ue a mi sakana,

Josuué 23:13

tumenu-phe ku kʼijiia, kuma Jihova Nzambi ienu, ka kà mi kaiesela dingi o ifuẋi iii ia mi kala ku mesu; inda ia kà mi kala kiá mubhetu, mukàla, kibetu mu jimbanji jenu, i di bhanga mukua ni mínha mu mesu enu; katé ki mu jima o mbutu, o ixi ia uabha kiki ia mi bhana Jihova Nzambi ienu, anga mu i xa muene.

Afundixi 14:3

Tatʼâ-phe u mu vutuila, ni mamʼâ, exi: Kifua ku akua muiji uenu kunu, mba ku mbutu ietu ioso, kua kambe muhatu, kuila uia mu kubhenga muhatu ku akua Fidíxia, o muiji ua akua mabolo? Sansau-phe u ambela tatʼâ, uixi: Ngi bhengele-nê, kuma muene ua ngi uabhela.

Afundixi 3:5

Anʼa Izalaiele-phe anga a tunga kumoxi ni Makanana, ni Mahiti, ni Mamodi, ni Mapelezi, ni Mahivi, ni Majebuzi;

Afundixi 3:6

anga a bhenga anʼâ a ahatu mu kala ahatuʼâ, a bhana ue anʼâ a ahatu kua anʼâ-êne a mala, hé a bhikila o jinzambi jâ.

Afundixi 8:27

Ngidiione anga u iudika na-u efodi, u kala na-iu bhu bhata diê, bhu Ofila; Izalaiele ioso anga i sendukila bhu bhata diê bhenhobho; anga ki di bhanga kutondala kua Ngidiione, ni kua dibhata diê.