Makatukilu 34:10 - O Mikanda Ikola

¹⁰ Muene anga u zuela, uixi: Talesa, eme nga-nda ku ta kikutu ni eie. Bhu pholo ia mundu ué uoso, eme ngi bhanga madiuanu, a bhingi kiluua a a bhanga mu ngongo, kana kilômbo a ki muene kiá; ni mundu uoso a mi kala mu jimbandu hinu a mona o kukalakala kua Jihova; kuma ki kuatesa uoma, kima kioso ki ngi bhanga nʼenu.

Makatukilu 34:10 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

Jisálamu 106:22

ni madiuanu mʼoxi ia Hame, ima ia undanda muene i kuata uoma, bhu ndundu ia Kalunga Kakusuka.

Jisálamu 136:4

U bhanga madiuanu, muene ubheka uê; kuma kulenduka kuê ki kuene kúbhua.

Jisálamu 145:6

Ku kale athu a thatha o isuma ié i kuatesa uoma; eme ngi ta mukumbi kuma Nzambi ukôla.

Jisálamu 147:20

Kana-ku dingi mbutu iʼathu ua a bhange kiki; ki u a ebhula o jiphangu jê, ene ka jʼijiia. Ximanenu Jihova.

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Jisálamu 68:35

Eie, Ngana Nzambi, u kuata uoma ku kididi kié kia isuma ku uala! Nzambi ia Izalaiele muene u bhana mundu uê o nguzu ni kutena. EʼDiebhe! diebhe! Ngana Nzambi!

Jisálamu 72:18

Jihova Nzambi a tane-ku! muene Nzambi ia Izalaiele; muene ngó ubheka uê uene mu bhanga o madiuanu!

Jisálamu 76:12

Muene u humbula o kudizangeleka kua makota a jingana; anga u teketesa o jisobha ja mu ngongo.

Jisálamu 77:14

Eie eie Nzambi ia kubhanga o madiuanu; ifuẋi ia athu ua idikiza o nguzu ié.

Jisálamu 78:12

Madiuanu muene a bhange bhu mesu a jitata jâ, mu mikáu ia Zouane, mʼoxi ia Ejito.

Makatukilu 34:27

Nzambi anga uambela dingi Mozé, uixi: Maka oso iá, soneka-u. Mukonda, kala kia lombolola o maka enhá, nga te kikutu kiami ni eie ni Izalaiele.

Makatukilu 34:28

Mozé anga u kala kuenhoko ni Jihova, makuinhi auana a izuua ni makuinhi auana a usuku; ka di mbolo, ka nu menha. Jihova anga u soneka ku ibasakasa ia matadi o maka eneʼá a kikutu, o kuinhi dia ijiia.

Izaía 64:3

Kala kiná ki ua kexe kubhanga madiuanu a bhingi kiluua tua a mona, ki tua a kingile, kioso ki ua tuluka jinga, milundu anga i di keleka mukonda dia pholo ié.

Jelemiia 32:21

Eie ua katula mundu ué ua Izalaiele mʼoxi ia Ijitu ni kubhanga isunji ni madiuanu ni lukuaku lué lua nguzu, ni lukuaku lué lu ua tandeleka ni kimbuua kionéne.

Mikeia 7:15

Eme nga kà edikiza madiuanu, kala u nga kuidikisile mu izuua i ua tundu mu Ijitu.

Matendelelu 10:21

Muene o kijingo kienu, muene Nzambi ienu! iu ua mi bhange ima ionéne ia isunji ioso iii i mua di muena ni mesu menu.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Matendelelu 4:13

Bhuene bhua mi bhela o kikutu kie-muene, kia mi xindila o kuinhi dia Ijila iu ua mi ambela, uixi: Kumbidilenu-iu, anga muene u i soneka ku mabáia maiadi ma matadi.

Matendelelu 9:19

Mukonda uoma ua ngi kuatele muene, ki nga mono kioso kia thathamana Jihova, ni kuila uixi: Ngʼa jima o mbutu. Maji tata-phe, kienhokio Jihova ua ngʼivu hanji dingi luamukuá.

Josuué 6:20

Kala kiki, kifuẋi a kola, jinganga ja xiki jimbungu. Bhenhobho o kifuẋi kioso kievu jimbungu ja bhana dízui, ene uâ a dikola ni dízui diasuina, lumbu anga lu lundumuka, lu zeka muene bhoxi, o mundu anga enda ni kubokona, muthu ni muthu bhuoso bhua lulamena, mbonge, ia di bhange ia ene, kuma a i tambula.