Makatukilu 33:7 - O Mikanda Ikola

⁷ Mozé anga u katula o balaka, hé u i ximbika mu kanga, bhu kibangu u xia-bhu muene kadikanga; u ixana kiá balaka ia kutakanena. O uoso uedi u sota Jihova, u xia bhu kibangu uia ku balaka ia kutakanena iala mu kanga.

Makatukilu 33:7 ပူးပေါင်းရင်းမြစ်များ

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

Jisálamu 10:1

Ua sukila-hi ngó mu kanga, eie Ngana, u Jihova? Ua di vunginaʼhi katé ni mesu, mu thembu ia jingongo kiki?

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jisálamu 35:22

Eie-phe ue ua ki mono, u Jihova, kana kudixibha; kana ku ngi kala dikanga, Ngana iami, tata!

Makatukilu 18:12

Jetulu, ukouʼa Mozé, anga u kuata kibhaku kia kuoha, ni jisata ja Nzambi; Alá anga uiza, ni adiakimi oso a Izalaiele, a dia fesa ni ukouʼa Mozé, bhu pholo ia Nzambi.

Makatukilu 18:7

Mozé anga u tunda mu kauidila ukouʼê, u mu diundiula, u mu bhana jibeju anga a di kunda, a dʼibhudisa kioso kia zekele, hé a bokona mu balaka.

Makatukilu 33:6

Anʼa Izalaiele-phe anga a zula o makembu mâ, tunde ku mulundu ua Holebe, ku pholo ka ma zuata dingi.

Makatukilu 33:8

Kioso-phe Mozé ki aia ku balaka, mundu uoso emana, kala muthu bhu muelu ua fundu iê, a tala kuala kuia Mozé, katé kia bokona mu balaka.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Izaía 59:2

Maji o ikuma ienu iene ia di bhange kibatulu kia xiti bhu kaxi nʼenu ni Nzambi ienu; o ituxi ienu iene ia mu vungu pholo, phala a kambe ku miʼvua.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Jihebeleu 8:2

Mukua kubhanga sedivisu ia nganga ia Dikota mu Kididi Kikôla mu balaka ia kidi ia tungu Ngana, kana ku athu.