Makatukilu 33:4 - O Mikanda Ikola

⁴ O mundu-phe ki evu hundu iaiibha kiki, a kala ni mukondo; kana dingi muthu mudiâ ua di te makembu mê.

Makatukilu 33:4 ပူးပေါင်းရင်းမြစ်များ

II Samuuele 19:24

Mefi-bozete ue, monʼa Saúlo, u kulumuka mu batuila Davidi. Muenephe ka di seke inama, ka di bhutu muezu, ka sukula izuatu, tunde kizuua kia katuka muenexi, katé kia bhongoloka ku bhata ni paze.

I Jisobha 21:27

Anga ki bhita-phe kuila, kia zubha Akabe kuivua maka iá, u tandujula o izuatu iê, anga u zuata dikuba ku mukutu uê, anga u jila; anga u zeka jinga ni dikuba, ni kuenda ni kutululuka kuoso, ni kudijingununa.

II Jisobha 19:1

Anga ki bhita-phe kuila, kioso Ezekiia kia zubha o ku kʼivua, ua tandula izuatu iê iu ua di-futu kidinhaji anga u bokona mʼonzo ia Jihova.

Ejidala 9:3

Eme ki ngʼevu kima kia di fu kiki, nga tandula izuatu iami ni divunga diami, anga ngi di vuza jindemba mu mútue ni ku muezu, hé ngi xikama ngezala ni kimbulambula.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Jobe 2:12

Ene kia zambula mesu mu kanga phala ku mu tala, ia a mono kuma a lémbua ku mu ijiia, a te jingololo ni kudila. Bhenhobho kala muthu u tandula thanga iê hé u di takuila fufuta mu mútue, bhulu.

Makatukilu 33:6

Anʼa Izalaiele-phe anga a zula o makembu mâ, tunde ku mulundu ua Holebe, ku pholo ka ma zuata dingi.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izekiiele 24:17

Mikemu ié suikika-iu; o athu a fu ku a zuatele ndombe; kutila o dizamba dié ku mútue, o inama ié tá na-iu mu jisabhatu; o pholo ié kana ku i sueka, kua kà die ue o mbolo i ku tumikisa o athu.

Izekiiele 24:23

Hé mua kà kala ni mazamba menu ku mítue, o jisabhatu jenu ja kà kala ue ku inama ienu; ki mua-nda kua kà di tata mba mua kà dila, maji mua kà hohela mu ikuma ienu hé mua kʼàia ni kukema mudienu, iá kuku, iá koko.

Izekiiele 26:16

Ilamba ioso ku musanza a kà tuluka ku iandu iâ, hé a kà di vulumuna o mavunga mâ, o izuatu iâ ia kubolodala a kà i zula; a kà zuata kimbulambula a kà xikama mu mavu hé aia ni kuteketa ithangana ioso; anga a kà kakuka mukonda dié-eie.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

Jona 3:6

Njimbu iii ia bhiẋila kua sobha ia Ninive, muene hé u balumuka ku kiandu kiê kia ungana, u zula izuatu iê ku mukutu, u zuata saku, anga u xikama mu utôkua.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Dialuilu 14:1

Kilômbo kioso anga a suina dízui ni kudikola; kifuẋi a kala mu dila usuku uenhó.

Dialuilu 14:39

Mozé anga u tangela anʼa Izalaiele oso o maka menhama; kifuẋi anga a dila kiavulu.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.