Makatukilu 33:16 - O Mikanda Ikola

¹⁶ Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Makatukilu 33:16 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

I Jisobha 8:53

Mbata eie ua tungula mu madiembu moso mu ngongo, nda a kale undundu ué, kala ki ua tangele mu ukunji ua ngunza ié Mozé, kumbi di ua katula o jitata jetu mu Ijito, Ngana Jihova, tata!

Jisálamu 147:20

Kana-ku dingi mbutu iʼathu ua a bhange kiki; ki u a ebhula o jiphangu jê, ene ka jʼijiia. Ximanenu Jihova.

Makatukilu 34:10

Muene anga u zuela, uixi: Talesa, eme nga-nda ku ta kikutu ni eie. Bhu pholo ia mundu ué uoso, eme ngi bhanga madiuanu, a bhingi kiluua a a bhanga mu ngongo, kana kilômbo a ki muene kiá; ni mundu uoso a mi kala mu jimbandu hinu a mona o kukalakala kua Jihova; kuma ki kuatesa uoma, kima kioso ki ngi bhanga nʼenu.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Makatukilu 8:22

Kizuua kienhókio o ixi ia Ngozene mua tungu o mundu uami ngi i tungula, dibhebhu dia jihamue ki di kala-mu; phala eie u kʼijiie kuma eme ngi Jihova mu ngongo ioso.

Ijila 20:24

Maji Eme-phe nga mi ambela enu, ngixi: Mu bhingana oxi iâ-ene, i mi kale undundu uenu, ni ngi mi bhana-iu muene, phala mu iʼvue, oxi i zunzumuka lete ni uiki; kabasa eme Jihova Nzambi ienu, nga mi uanununa muʼaxaxe ka ifuẋi ku mundu.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 23:9

Tundé ku thandu dia matadi nga mu mono, ku milundu ngi mu tala iuná; kifuẋi kiê, kifuẋi kia di tungidila, ka moneka akuâ a soko-nâ.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 4:7

Kiene-phe muene, kuma muiji uónene, kala iú, u kala ni jinzambi bhua zukama kale ki tuala ni Jihova Nzambi ietuʼiki, u bhinga o ki tu mu ixana uitaia, mua u muene kiá?