Makatukilu 33:11 - O Mikanda Ikola

¹¹ Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Makatukilu 33:11 ပူးပေါင်းရင်းမြစ်များ

Dimatekenu 32:30

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Jobe 16:21

Ai ué! Se bhua kexile muthu u tena kuzoka ni Nzambi mu kubhangela o muthu, kala o monʼa muthu kia bhângela kamba diê!

Makatukilu 17:9

Mozé anga u ambela Josuué, uixi: Sola makuenze, nda uie u lue ni Amaleke; eme mungu ngʼimana bhu thala ia kalundu, ni mbangala ia Nzambi ngi i kuata bhu maku.

Makatukilu 24:13

Mozé anga u balumuka bhenhobho, ni dikuenze diê Josuué, uene ku mu xibhidila; o Mozé kia mu banda mu mulundu kua Nzambi,

Makatukilu 32:17

Josuué kievu o jibuia ja mundu ala mu dikola-kola, u ambela Mozé, uixi: Kuala nzongo ia ita bhu kibangu.

Makatukilu 33:10

Mundu uoso anga aia ni kumona o philadi ia dituta iemana bhu muelu ua balaka; mundu uoso anga emana, a bheza Jihova, kala muthu bhu muelu ua fundu iê.

Makatukilu 33:9

Mozé-phe kia zubha kubokona mu balaka, philadi ia dituta i tuluka, imana bhu muelu ua balaka; Jihova anga u kuata kuzuela ni Mozé.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Dialuilu 11:28

Josuué dia Nune, mukuenze ua Mozé ua mu sola tundé mu undenge, anga u kumuna, uixi: Muadi Mozé, a kidike.

Dialuilu 12:7

Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Nzuá 11:11

Kia zubha kuzuela kiki, ua ambela, uixi: Kamba dietu Lázalu uaii ku kilu. Maji eme ngiia-phe ku mu phaphumuna.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Matendelelu 31:14

Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 34:10

Kiluua kukala dingi polofeta mu Izalaiele kala Mozé, a mu ijidile kuala Jihova, katé kia diendela jinga mu kuzuela-nê pholo ni pholo.

Matendelelu 5:4

Tua di muena-kiu etu oso kia tu zuelesa Jihova pholo ni pholo mu kaẋi ka túbhia.

Tiiaku 2:23

Kienhiki, o kia-mbe mu Madivulu Makôla anga ki bhita kiedi, exi: Mbalahamu ua xikana Nzambi, o mu kuxikana kuê muene Nzambi mua mu xikinina ni ku mu tanesa kuma ua lungu. Nzambi anga u mu ixana, uixi: Kamba diami Mbalahamu.