Makatukilu 32:7 - O Mikanda Ikola

⁷ Jihova anga u ambela Mozé, uixi: Ndeie, kulumuka mulundu; kuma o mundu ué u ua tundu nâ-u mʼoxi ia Ijitu a di kasanesa kiá.

Makatukilu 32:7 ပူးပေါင်းရင်းမြစ်များ

II Malunda 27:2

Anga u bhanga kia iuka bhu pholo ia Jihova, kala ioso ia bhanga jinga tatʼâ Uziia, kana-phe o kubokona mu Thembulu ia Jihova. Maji hanji o mundu ua kexile mu kutondala.

Jisálamu 78:36

A mu hanza-phe ngoho ni dikanu diâ, aia ni ku mu tela makutu ni dimi diâ.

Makatukilu 19:24

Jihova anga u mu ambela, uixi: Ndé, tuluka; phala u bande dingi ni Alá; Jinganga-phe ni mundu uoso ka bhumine kusomboka o mbambe, mu kubanda kua Jihova, phala Muene ka a kuame ni kalunga.

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Makatukilu 32:4

Muene kia zubha ku ji tambula bhu maku mâ, u iudika kiteka kia utadi kia ndumbe ia ngombe, anga u ki seta ni felu iatu; anga amba exi: Jinzambi jé jinhiji, enu mu Izalaiele, ja mi katula mʼoxi ia Ijitu.

Makatukilu 33:1

Ngana ka mesena kuenda dingi ni Izalaiele Jihova anga u ambela Mozé, uixi: Katukenu! Bhabha tundenu-bhu, ni eie ni mundu u ua katula mʼoxi ia Ijitu, muie kʼoxi i nga lokela Mbalahamu, ni Izake, ni Jakobo, ngixi: Ngi i bhana mbutu ienu.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Matendelelu 32:5

Athu akexe anʼê, leluʼidi a mu kitukila, a di selula, ene-phe a di bhange-kiu! Muiji ua lusebu, abhindamena ngó kuenda ibhengèle!

Matendelelu 4:16

kana-phe kutambula lufuku lua ku di iúdikila kima kioso-kioso kia kusonga, kiteka ki kala ni lubhe lua muthu, u kala ni ukexilu ua diiala mba ua muhatu,

Matendelelu 9:12

Bhenhobho Jihova, anga u ngʼambela, uixi: Balumuka, kulumuka muene lusolo, mbata o mundu ué u ua katula ku Ijito, a dianguka kiá; o njila i nga a xindile ka nange-mu, a i xi kiá kindala kienhiki; a di iudikila kiteka kia kuzunza.

Matendelelu 9:8

Kuma njinda ia Jihova ia uamene kiá ki mua mu lokalala bhu Holebe, anga ku kamba ngó bhuôfele ku mi jima o mbutu.

Afundixi 2:19

Anga aia ni kuila ku izúua-phe, kuila mufundixi uafu, a vutuka dingi kudima, a vula dingi kubhanga ufusa, jitata jâ ndenge, mu kukaiela jinzambi jengi ni ku ji bhikila ni ku ji fukamena; ka xikina kubatuka ku imbamba iâ iene kubhanga, ni ku uendelu uâ ua kuxibhaka.