Makatukilu 32:5 - O Mikanda Ikola

⁵ Alá kia ki mono, u tunga kalatódio bhu pholo ia kiteka; Alá anga u tuma kuxikisa ngonge, uixi: Mungu ku kala fesa ia Jihova.

Makatukilu 32:5 ပူးပေါင်းရင်းမြစ်များ

I Jisobha 21:9

Anga u soneka mu mikanda, uixi: Kolenu ngonge ia kujila kudia, ni mu te Nabote ku uadiakimi ua kifuẋi kioso.

II Jisobha 10:20

Jehu anga uamba dingi uixi: O Bale mu bhangedienu kionge kiònene ki mu mu lumbila. Anga a ki kola kuoso.

II Jisobha 16:11

Udiia, o nganga, hé u tunga o Kalatódio muene, kala kioso kia tumu ku mu ambela kuala sobha Akâji mu Damasku; kioso kia mu ambela, kiene muene kia bhange Udiia, kioso o sobha Akâji kiluua hanji a vutuka mu kutunda ku Damasku.

II Malunda 30:5

Anga a ki bhela ngonge kuila a ki boke muene mu Izalaiele ioso tundé bhu Beleseba katé ku Dane, kuila eze mu Jeluzaleme mu kuimununa o Phasu ia Jihova, Nzambi ia Izalaiele; mukonda a vulu muene ka imunuine kala kioso kia i soneka

Makatukilu 10:9

Kuala Mozé: Ki bhinga etuʼoso tuia, ni anʼa ndenge ni adiakimi, ni anʼetu a mala ni anʼetu a ahatu, ni mbudi jetu ni ngombe jetu, kuma tua-nda kua kà bhange kizokola kua Jihova, Nzambi ietu.

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 17:15

Mozé anga u tunga-bhu o kalatódio, u ka luka dijina dia Jihova-nisi

Makatukilu 32:4

Muene kia zubha ku ji tambula bhu maku mâ, u iudika kiteka kia utadi kia ndumbe ia ngombe, anga u ki seta ni felu iatu; anga amba exi: Jinzambi jé jinhiji, enu mu Izalaiele, ja mi katula mʼoxi ia Ijitu.

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Hozeia 8:11

Mukonda Ifalaíme ua vudisile jikalatódio, jikalatódio ngó ja kutela ituxi.

Hozeia 8:14

Mbata o Izalaiele ua jimbi Mubhangi uê, uoso ua mu bhanga, iú uala kuia ni ku di tungila mazemba; Juda ue ua di tungila jimbonge ja kolo; maji eme o jimbânza jâ nga-nda ku ji ta túbhia, o túbhia tu bhuikisa o mazemba mâ.

Ijila 23:2

Tangela anʼa Izalaiele, u a ambela, uixi: O izokola ia Jihova, ki mu iongeka jinga, ikale ionge ikôla. Munono-phe ua izokola iami, iú:

Ijila 23:21

Mu kizuua kienhokio-phe mu xika ngonge kuamba tua-nda kukala ni kionge kikôla ki bhu kale midimu ia kima kioso-kioso; kiki kijila kixialela katé ku miiji ienu, mu madiembu menu moso-lolo.

Ijila 23:37

Jiji jene o jifesa ja Jihova, ji tokala o ku ji kasela ionge ikôla, anga mu ji bhelama-ujitu ma kubhakula ni túbhia kua Jihova, ni jisata ja kuoha, ni mibhaku ia musa, mu bhana jisata, maluvu, kima ni kima mu ki bhanga kala kia fuama ni kizuua kiê.

Ijila 23:4

Iene-phe o izokola ia Jihova kiabhuʼiii, o ionge ikôla, muenda ni ku i ongeka bhu thembu iê ioso ia i xinda.

I Kolindo 5:8

Uila kiki, tu bhangienu o fesa ia Phasu ietu, kana ni mbolo ia kifulu-fulu kiokulu, o kifulu-fulu kia ituxi ni jiphanda, maji ni mbolo ja hangala, o mbolo ja kuiuka ni kidi.

I Samuuele 14:35

Saúlo anga u tunga kalatódio ka Jihova bhenhobho; kene kalatódio ka dianga muene kutungila Jihova.