Makatukilu 32:32 - O Mikanda Ikola

³² Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Makatukilu 32:32 ပူးပေါင်းရင်းမြစ်များ

II Samuuele 18:33

Muenexi anga u kala ni lamba diavulu, u banda mu sabhalalu ku thandu dia muelu, u dila; o kiala mu banda u kala mu kuila kiki: Aiué monʼami Abisalone, monʼami tata, monʼami Abisalone! Tamanu nga ku fuidile bhu kididi Abisalone, tata! Aiué monʼamiʼé monʼamiʼé!

Jisálamu 139:16

Mesu mé ma ngi mono mukutu uami, kioso ngó kiluua u di umba; o idiandu iami ua i soneka mu divulu dié, ni izuua iami i nga kà bhanga, kala kiluua ngó ngi i mateka.

Jisálamu 56:8

Inhunginu iami ioso eie uaʼijiia: o masoxi mami moso, eie ua a bhake mu kisudi kié; manhi, ni mu divulu dié, kua a soneka-mu?

Jisálamu 69:28

A jimuene, Ngana, o majina mu divulu dia muenhu; ka a soneke dingi kumoxi ni athu a iuka.

Makatukilu 32:10

O kiki-phe, ngʼambudise, mbé o njinda iami i uame, phala ngʼa a buidise; maji eie, ngi ku bhanga kifuẋi kia dikota.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Izekiiele 13:9

O lukuaku luami lua-nda kubilukila o misesedi a mona kingoho ni kuzambula makutu; o mu kionge kia mundu uami ene ka kà kala-mu, mba ku a soneka mu jindunda ja muiji ua Izalaiele, né ue ngó kubokona mʼoxi ia Izalaiele; nda mu kʼijiie kuila eme-muène ngi Ngana dia Jihova.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Amoji 7:2

O ki nga mono kuila o iangu ioso a zubha muene ku i dia ku mavu, eme-phe ngambe kiki, ngixi: Jihova, Nzambi, tata, loloka! Kuma o Jakobo ua-nda kubalumuka kiebhi, o muene ua tolo nguzu!

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Malakiia 3:17

Jihova dia Ifuẋi, uixi: Ene a kà kala athu ami, mu kizuua kiná ki nga kà bhanga, ene a kà kala makembu mami ma kasuékele; Nga kà a kondeka ni ku a kuatela henda, kala tata kia kondeka monʼê uene ku mu tumaka jinga kiambote.

Dialuilu 11:15

Hé kiene ki u ngi bhanga, ngi jibhe kiá, nga ku diondo, se nga sange kiadi ku mesu mé; ki ngi kale ngó ni ku ngi tatesa kiki!

Dialuilu 11:25

Jihova anga u tuluka mu dituta, u kala mu ku mu zuelesa, anga u katula ku Nzumbi iala ku thandu dia muene, u ta ku adiakimi, makuinhi sambuadi a muthu; anga ki bhita kuma kia tula Nzumbi ku thandu diâ, a kuata kuzambula ni uanji ua upolofeta, maji kithangana ngó bhenhobho, ka ki tona dingi.

Dialuilu 14:19

Loloka, nga ku diondo, o ikuma ia kifuẋi kiki, mu henda ié iavulu kinéne, kala ki ueza ni kuloloka kifuẋi kiki tundé ku Ijitu katé bhabha.

Luka 10:20

Maji-phe kana kusangulukila o madimonho ma mi tolokela; inda mu sangulukila o majina menu kuma a ma soneka ku diulu.

Luka 23:34

Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

Matendelelu 25:19

O kioso-phe Jihova Nzambi ié kia-nda ku ku bhana I kiá o dinhohenu, ku jimbandu kuene kuoso nguma jé joso jabhu-ku, mʼoxi ia-nda ku ku bhana Jihova Nzambi ié mu ubhinganu, phala ku iʼvua, Amaleke mu jime muene o mbutu bhoxi dia diuluʼ ʼabha. Kana kujimba-ku.

Matendelelu 29:20

Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.

Matendelelu 9:14

Ngʼambule ngʼa buikise, phala o dijina diâ ngi di jimune, bhoxʼa diulu dibhue-bhu; Eie-phe ngi ku bhange u muiji uabeta kusuína ni kuvula, o iú ndenge.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.

Dijingunuinu 22:19

Se bhu kala muthu u katula-ku, ku maka ma upolofeta mu dívuluʼidi, Nzambi ue ua kà mu katula mbandu iê ku kibundu kia muxi ua muenhu, ni mbandu iê mu mbanza ia ngene, iòsoneke mu dívulu didi.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.