Makatukilu 32:30 - O Mikanda Ikola

³⁰ Kúkia ni kimene Mozé u ambela o mundu, uixi: Enu mua te kituxi kia dikota; kindala kiki, ngi banda dingi kua Jihova, iʼmoxi ngi mu luulula ku thandu dia kituxi kienu ki mua te.

Makatukilu 32:30 ပူးပေါင်းရင်းမြစ်များ

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 17:21

Mbata a tandula Izalaiele ku dibhata dia Davidi, iá a hingisa Jelubouamu, monʼa Nebate, ku usobha; o Jelubouamu iú ua bhambula Izalaiele ioso mu ku kaiela Nzambi iê, iú ua a bhangesa kuta muene kituxi kia dikota.

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Makatukilu 32:29

Kuma Mozé ua ambelele, uixi: Di bhakudienu lelu kua Jihova, kana muthu a suue monʼê, kana muthu a suue phangʼiê; phala muene lelu a mi bhane o kuzediua.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Dialuilu 16:47

Alá anga u zangula o kiómuenu, kala kia mu tangela Mozé, hé uia ni lusolo mu kaẋi ka kilômbo; tala, o dibhebhu-phe diandeka kiá muʼaxaxe ka mundu; hé u takuila-bhu o uasu ua dizumba, anga u bhanga o kiamenga phala o ituxi ia mundu.

Dialuilu 25:13

ki kala kia muene, ni anʼê a mu bhingana, kikutu kia unganga u nangenena; kuma ua kexile ni muanu ua kuzokela Nzambi iê, iú ua bhitisa kiamenga phala anʼa Izalaiele.

Luka 15:18

Ngi zanguka, ngiia kua tatʼetu, hé nga kèla: Tatʼetu, nga te kituxi ku diulu kua Nzambi, ni mu ngongo ko-kué.

Luka 7:47

Uila kiki, nga ku ambela: Muène ua zolo kiavulu, kuma ituxi iê, sumbala iavulu, iòloloke kiá. Maji o uoso-phe a mu loloka kiatolo, u zola ue kiatolo.

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.