Makatukilu 32:27 - O Mikanda Ikola

²⁷ Anga u a ambela, uixi: Jihova, Nzambi ia Izalaiele uambe kiki: Manekenu kala muthu o xibhata ié, mu bhite mu kibangu, mu tunda muelu muiza muelu, mu jibhe kala muthu phange iê, kala muthu kuphatele kuê, kala muthu a jibhe mukuâ o nzúkame iê a tungu-nê.

Makatukilu 32:27 ပူးပေါင်းရင်းမြစ်များ

II Jisobha 10:25

Anga ki bhita kuila, kioso ene kia zubha o kubhakula sata ia túbhia, Jehu uambela akua kilangidilu kiê ni jikabhitangu, uixi: Bokonenu, muʼa jibhe. Ki bhu kale umoxi ngó u mi lenga. Anga a a jibha muene ku mazu a xibhata; anga a a texila ku kanga kuala o jikabhitangu ni akua kilangidilu hé a bokona muene mu xiluèlele dia inzu ia Bale.

Makatukilu 32:26

Mozé uimana bhu muelu ua kibangu, u di kola, uixi: Oso a zuama kua Jihova, a ngi bande. Anʼa Levi oso anga a di bhongoluela kua Mozé.

Makatukilu 32:28

Anʼa Levi anga a kumbidila kia a tumu Mozé; ku mundu anga kúfua kizuua kienhókio midi jitatu ja muthu.

Makatukilu 32:29

Kuma Mozé ua ambelele, uixi: Di bhakudienu lelu kua Jihova, kana muthu a suue monʼê, kana muthu a suue phangʼiê; phala muene lelu a mi bhane o kuzediua.

Izekiiele 9:5

Akuá hé u ambela, emiʼeme ngʼivua muene, uixi: Bhite-nu mu mbonge ni ku mu kaiela, mu jibhe; diesu dienu ki di kondeke muthu, mba ku kuatela muthu henda.

Dialuilu 25:5

Mozé anga u ambela afundixi a Izalaiele, uixi: Jibhenu kala muthu athuʼê oso a di bande kua Baale-peole.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,