Makatukilu 32:26 - O Mikanda Ikola

²⁶ Mozé uimana bhu muelu ua kibangu, u di kola, uixi: Oso a zuama kua Jihova, a ngi bande. Anʼa Levi oso anga a di bhongoluela kua Mozé.

Makatukilu 32:26 ပူးပေါင်းရင်းမြစ်များ

II Samuuele 20:11

Amasa anga ku mu imanena-phe dikuenze dia Jouabe bhu kimbi kiê, uia ni kutangela athu, uixi: Uoso ua zolo Jouabe, iú ua bande Davidi, a kaiele Jouabe.

II Jisobha 9:32

Jehu u bhetula o pholo, u tala bhu njanena, uixi; Nanhi uala ku mbandu iami eme? Nanhi? O ngolambole jiiadi mba jitatu, a tale kua muene.

Jisálamu 94:16

Nanhi muene u ngi bhângela kua ió akua phulu? nanhi u ngi banda mu kudituna kubhanga kiaiibha?

Makatukilu 32:25

Mozé-phe kia zubha kumona kuma mundu ua baluka, kuma Alá ua a ehela kubaluka, ni ku di sebulula muʼaxaxe ka jinguma,

Makatukilu 32:27

Anga u a ambela, uixi: Jihova, Nzambi ia Izalaiele uambe kiki: Manekenu kala muthu o xibhata ié, mu bhite mu kibangu, mu tunda muelu muiza muelu, mu jibhe kala muthu phange iê, kala muthu kuphatele kuê, kala muthu a jibhe mukuâ o nzúkame iê a tungu-nê.

Matesu 12:30

Uoso ka ngi bande, ua ngi zembe; o uoso ka bhongolola ni eme, u muanga.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.

Josuué 5:13

Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?