Makatukilu 32:22 - O Mikanda Ikola

²² Alá anga u zuela, uixi: Ngana iami, njinda ié ki i uame kiókio; mundu iú eie-muène ua u ijiié, eneʼâ ngó mu sota kubhanga kiaiibha.

Makatukilu 32:22 ပူးပေါင်းရင်းမြစ်များ

Dimatekenu 44:18

Juda bhenhobho u zukama kua muene, uixi: Uaué! Ngana iami tata! Nga ku diondo ngi bhane disesa, ngi ku ambele tumaka mu mátui mé, ku ngi temene ngana iami, kuma ki ualʼokio ua soko ni Falaó.

Jisálamu 36:4

Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Makatukilu 14:11

Anga ambela Mozé, exi; Kifua mu Ijitu mua kambele jimbila, eiʼeie ua tu katula-mu phala ku tu jibhila kunu mu kikangalakata? Ua tu bhangela-hi kiki, ua tu katula ngó mu Ijitu?

Makatukilu 15:24

O mundu anga a kuata ku longolola Mozé, exi: Tua-nda kunua-hi?

Makatukilu 16:20

Maji-phe sai iá ka ẋikina kuívua Mozé, a zekesa-ku katé kuaki, a sanga muala maminhu, iii nuha kibuzu. Mozé anga u a temena.

Makatukilu 16:28

Jihova anga u ambela Mozé, uixi: Katé bhebhi bhu mu suka ni kuxibhaka o itumu iami ni ijiia?

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 32:21

Mozé anga u ibhula Alá, uixi: Mundu iú ua ku bhange kiebhi, phala eie ku a bhekela ku thandu diâ, kituxi kia dikota kala kiki?

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Matendelelu 9:7

Xinganekenu, ki ki mi jimbe ki muakexi mu kulokalala njinda ia Jihova Nzambi ienu mu kikangalakta; tunde mu kizuua ki mua tundu mu Ijito, katé bhu kididi bhu muezʼabha, mua di bhanga jinga mu axibhaki a hatu, bhu pholo ia Jihova.

I Samuuele 15:15

Saúlo-phe, uixi: Eza na-ju ku akua Amaleke; kuma mundu a xi-ku ku jimbudi ni ku jingombe joso ja disanze kiambote, phala ku ji satela Jihova Nzambi ié; o jamukuá tua ji buidisa joso.

I Samuuele 15:21

Maji o mundu-phe ene a bhûndu, jimbudi ni jingombe joso ja disanze kiambote ku ibhaku ieji kubuika, phala ku ji satela Jihova Nzambi ié bhu Jidingale.

I Samuuele 15:24

Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.