Makatukilu 32:19 - O Mikanda Ikola

¹⁹ Mu kuia ni kuenda-phe, kia zukama ku kibangu, u mona ndumbe ia ngombe ni kukina kua mu kina o mundu; njinda ia Mozé i uama, o ibasakasa ia matadi ia kuata bhu maku u i takula bhoxi anga i budikila mu betekete ia mulundu.

Makatukilu 32:19 ပူးပေါင်းရင်းမြစ်များ

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

Jisálamu 119:53

Maji nga thathamana muene kiavulu, mu kumona athu abhukumuka, kioso kia bhumina o ngonge ié.

Makatukilu 15:20

Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Makatukilu 32:18

Mozé-phe u vutula uixi: Kana, ki mbimbi ia athu a kola kíkoue, mba dízui dia kudikola mu kutoloka; nzongo ia kuimba i nga mu kuívua.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Kuditenda 5:15

Kukembela o muenhu kua tu-bhu, o kukina a tu katula-ku, kua tu iza kiá jingololo.

Zakadiia 11:14

Anga ngi bukula mbangala iami ia kaiadi “Kuongama” phala kumuanga uphange bhu kaxi ka Juda ni Izalaiele.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Marku 10:14

Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

I Kolindo 10:7

Mba kukala mu abhezi a iteka, kala ki a bhangele ene amoxi-mu. Uila kia ki soneka mu Mikanda Ikôla, exi: O mundu ua xikamene mu kudia ni kunua, kithangana a balumuka mu kukina.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Matendelelu 10:2

Ku mabaia enhó kuene ku nga-nda kusoneka o maka moso ma kexe ku mabaia ma dianga mu ua budile, anga u ma bhaka mu álaka.

Matendelelu 27:26

Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!