Makatukilu 32:16 - O Mikanda Ikola

¹⁶ Matadi enhá Nzambi muene ua a kalakala; ni kusoneka, kusoneka kua Nzambi muene, kua soneka ku matadi.

Makatukilu 32:16 ပူးပေါင်းရင်းမြစ်များ

Jobe 19:24

Mba, ni kisonekenu kia utadi ua felu ni ua ximbu, a ma seta muene bhu ndanji ku mivu ni mivu!

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:15

Mozé anga u aluluka, u kuata kukulumuka mulundu, uambata bhu maku o ibasakasa iiadi ia matadi a umbangi; matadi enhá, a a soneka ku mbandu joso jiiadi; ku mbandu ni mbandu a soneka-ku.

Makatukilu 32:17

Josuué kievu o jibuia ja mundu ala mu dikola-kola, u ambela Mozé, uixi: Kuala nzongo ia ita bhu kibangu.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Makatukilu 34:4

Mozé anga u bhasa mabaia aiadi a matadi, a soko ni ió a diangele; Mozé anga u di meneka, u banda ku mulundu ua Sinai, kala kia mu tumu Jihova, uambata bhu lukuaku luê o ibasakasa iiadi ia matadi.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

Matendelelu 10:1

Mu thembu ienhoio Jihova ungʼambela, uixi: Songa mabaia maiadi ma ditadi, kala ma diangediʼomo, nda u bande kokuami ku mulundu iú, iudika ue álaka ia muẋi.

Matendelelu 9:15

Kienhokio-phe eme nga biluka, anga ngi kulumuka o mulundu; o mulundu-phe iu ufuáfua túbhia; o mabaia maiadi ma kikutu eme-nâ bhu maku mami maiadi.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.