Makatukilu 32:12 - O Mikanda Ikola

¹² Phalahi akua Ijitu enda ni kuila, exi: Muene ua a katula phala ku a bhanga kiaiibha, mbé ku a jibhila mu milundu, ni ku a jimisa o mbutu mu ngongo? Bhomba muxima, u bateke njinda ié ia uama, u diele ku kaxtiku koso ku uambe kubhana o mundu ué.

Makatukilu 32:12 ပူးပေါင်းရင်းမြစ်များ

Dimatekenu 6:6

Ngana anga u dielesa mu ku bhanga o muthu mu ngongo, kia mu bhekela lamba ku muxima uê.

I Jisobha 8:51

Mukonda Izalaiele ene o kifuxi kié ni undundu ué u ua katula mu ixi ia Ijito, muʼaxaxi ka dijiku dia utadi ua felu.

Ejidala 10:14

Inda-phe à te adikime etu oso, a kifuxi, ku maka eneʼá; o ió oso a sakana ni ahatu a jixi jengi, mu jimbonge jetu, eze kua ene mu izuua ioso ia a xindi, kumoxi ni adiakimi a mabhata mâ ni afundixiʼâ, katé ki tu somboka o kizuua kia njinda ia Nzambi ietu, mukonda dia kikuma kiki.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 74:18

Maji-phe xinganeka-kiu: Nguma ja ku lokalala eie u Jihova; mbutu ia jisemenhi a ẋonguena o dijina dié.

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 85:3

Ua kexe kueha o kubhana kaxtiku, o njinda ié ia teme anga u i tula.

Jisálamu 90:13

Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Makatukilu 32:14

Jihova anga u diela ku kaxtiku koso kambe kubhana mundu uê.

Makatukilu 33:13

Kiki-phe, nga ku diondo, se nga sange ngalasa ku mesu mé, ngʼidikize jinjila jé ja ku di tuma ni athu, phala ngʼijiie uendelu ué, ngi sange ngalasa ku mesu mé; ni u tongolole kuma muiji iú uene o mundu ué.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 28:16

Mukonda dia kienhiki, Jihova uambe, kiki: Tala, kulu-dia-mundu nganda ku ku katula-ku; ua-nda kúfua muvu uenhú, mukonda eie ua zuela ni kubhumina Jihova.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 20:22

Maji nga sukamesa o lukuaku luami, nga ki bhangela o henda ia dijina diami, phala ki di bonge malebhu bhu mesuʼa akua jixi, a muene kioso ki nga a tundisa.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Amoji 7:3

Bheneʼobho Jihova u diela anga uamba, uixi: Ki kia-nda kubhita.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Zakadiia 8:14

Mbata o Jihova dia Ilombo leta uambe kiki: Mukua ni kiki ki nga xinganeka ku mi bhanga kiaiibha, kioso jitata jenu kia ngi lokalala ni ku ngi thathamesa, eme ki ngi dielesa dingi, Jihova dia Ilombo ua kiambe,

Dialuilu 14:19

Loloka, nga ku diondo, o ikuma ia kifuẋi kiki, mu henda ié iavulu kinéne, kala ki ueza ni kuloloka kifuẋi kiki tundé ku Ijitu katé bhabha.

Dialuilu 16:21

O mu kaẋi ka kifuẋi tundenu-mu, eme phala ngʼa buikise mu kapota-diesu.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

Matendelelu 9:28

Mukonda kia-nda kubhangesa-phe, akua-jixi, ku ua tu takanʼoko, enda ni kuzuela, exi: Jihova ua lémbua ku a bhiẋidisa mʼoxi ia a tangelele, mbe muene ue ua di-kumu-nâ, iú ua a takana kunu phala ku a jibhila mu kikangalakata.

Josuué 7:26

Ku thandu diê anga a lunjika-ku ndumba ia dikota ia matadi. Katé ni lelu iá bhobho. Jihova anga u bateka kiua njinda iê. Kiene kia bhangesa o kididi kiókio ku kʼixana exi, Honga ia Akole, katé mu kizuua kia lelu.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.