Makatukilu 32:11 - O Mikanda Ikola

¹¹ Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Makatukilu 32:11 ပူးပေါင်းရင်းမြစ်များ

Dimatekenu 18:27

Mbalahamu anga u kumbulula dingi, uixi: Ua ngi mono nga bhumu kiá kuzuela ni Ngana, eme muene ngi mavu ngi fufutila.

I Jisobha 8:51

Mukonda Izalaiele ene o kifuxi kié ni undundu ué u ua katula mu ixi ia Ijito, muʼaxaxi ka dijiku dia utadi ua felu.

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Makatukilu 32:7

Jihova anga u ambela Mozé, uixi: Ndeie, kulumuka mulundu; kuma o mundu ué u ua tundu nâ-u mʼoxi ia Ijitu a di kasanesa kiá.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 8:8

Bhenhobho Falaó u ixana Mozé ni Alá, uixi: Diondenu Jihova, a katule o mazote kokuaʼami ni ku mundu uami. Kiene kiua ki ngʼeha o mundu nʼaie mu satela Jihova.

Izaía 63:17

O kiki-phe, Jihova ua tu luezesa kiebhi o kuenda mu jinjila jé? o muẋima uala ku tu kolesa-u kiebhi, phala tu lémbue ku ku xila? Mu henda ia selevende jé, vutukisa o miji ia undundu ué.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Kuditenda 2:20

Tala Jihova, u tongolole, muthu kuii ua mu bhange kiki! Abha-phe, ahatu mbé adia muene o kibundu kiâ eneʼâ muene, o tuana tuâ tuavuala, tua sase ene bhu jihata jâ? A jibha o nganga ni polofeta monzo ié iangene bhu dibhezelu dia Jihova?

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Dialuilu 11:11

Mozé anga u zuela kua Jihova, uixi: Mubhikʼé ua mu bhangela-hi kiki? Ihi kia ngi kambesa kusanga kiadi ku mesu mé, ki ua ngi tuika kimbamba kia kifuẋi kioso kiki ku thandu diami?

Dialuilu 14:13

Mozé anga u ambela Jihova, uixi: Akua Ijitu-phe hinu a kʼivua, kuma kifuẋi kiki ua ki katula muʼaxaxi kâ ni undanda ué,

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Dialuilu 27:4

Dijina dia tatʼetu-phe di jimukina-hi mu kaẋi ka dianda diê, mukonda dia kukamba monʼa diiala? Etu uetu tu bhane ue undundu uetu, kumoxi ni jiphange ja tatʼetu ja mala.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.