Makatukilu 32:1 - O Mikanda Ikola

¹ O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 32:1 ပူးပေါင်းရင်းမြစ်များ

Dimatekenu 19:14

Lote-phe anga u tunda, u zuelesa jiholome jê, eji kusakana ni anʼê a ahatu, uixi: Balumukenu! mu tunde bhu kididi kienhiki; kuma Jihova ua-nda ku ki buikisa. Jiholome jê-phe a mu kiti kiôua kiala mu sabhula, kifua ualu ta kasekelu kê.

Dimatekenu 21:26

Kuala Abimeleke, ki nga mu ijiia uoso ua bhange kienhiki; eie ue kua ngi tangela kima, lelu moxi-ke ku kʼivuila bheniʼabha.

Dimatekenu 39:8

Muene-phe anga u dituna, u ambela mukajiʼa ngana iê, uixi: Muadiʼami-ze kejiia dingi kima kiala-na-kiu mʼonzo, iene ioso ua i bhana bhu makuʼami;

Dimatekenu 44:15

Zuze anga u a ambela, uixi: Mu bhangela-hi kimbamba kala kiki? Enu ki mu kʼijiia kuma ki ngalʼiki ngi tena muene kuzambula?

Dimatekenu 44:4

Kia zubha-phe kutunda mu mbonge, kuila kiluua ngó enda dikanga, Zuze u ambela o kimbadi kiê, uixi: Ndoko! Suluka, u kaiela o mala enhó; o ki ua-nda ku a kuata, ua kà ambela, uixi: Phalahi, ua mi bhange o mbote, enu mu mu futa phulu?

Jisálamu 106:19

Anga a iudika kangombe ka ulu ku mulundu ua Holebe, hé a bheza o kiteka kia utadi uóuiẋike.

Makatukilu 13:21

Jihova anga u a tuamenena; mu muanha mu philadi ia dituta, phala ku a edikiza o njila; o mu usuku mu philadi ia túbhia, phala ku a muikina a kale mua zele; phala a tene kuenda mu muanha, ni mu usuku.

Makatukilu 14:11

Anga ambela Mozé, exi; Kifua mu Ijitu mua kambele jimbila, eiʼeie ua tu katula-mu phala ku tu jibhila kunu mu kikangalakata? Ua tu bhangela-hi kiki, ua tu katula ngó mu Ijitu?

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 20:23

Ki mu kale-phe ni nzambi jengi hé mu ngi bunda na-ju kumoxi; kana ku di iudikila nzambi ja phalata, mba nzambi ja ulu.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 24:18

Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Makatukilu 32:22

Alá anga u zuela, uixi: Ngana iami, njinda ié ki i uame kiókio; mundu iú eie-muène ua u ijiié, eneʼâ ngó mu sota kubhanga kiaiibha.

Makatukilu 32:23

Ene a ngʼambela, exi: Tu iudikile nzambi, i tu kale ku pholo mu kuenda; kuma Mozé muenhú, o muthu ua tu katula mu Ijitu, ki tu kʼijiia kioso kia mu bhiti

Makatukilu 32:7

Jihova anga u ambela Mozé, uixi: Ndeie, kulumuka mulundu; kuma o mundu ué u ua tundu nâ-u mʼoxi ia Ijitu a di kasanesa kiá.

Makatukilu 33:3

bandenu-phe muie mu ixi i kunguluka lete ni uiki; maji eme-muène-phe ki ngende dingi muʼaxaxi kenu, kuma enu muala mu mundu ua thathamana jixingu, sumba ngi mi buidisila mu njila.

Izekiiele 20:8

Maji ene a ngi ẋinukina, nguâ ku ngʼivua; o maufusa oso a a uabhelele ku mesuʼâ ki bhu kexile ngó muthu uandalele ku a texi, mba kuxia o iteka ia Ijitu; bhenhobho-phe ngixi o njinda iami ngi i lundulula ku thandu diâ-ene, phala o kutema kuami ni kutenene kua ene mu kaxi ka oxi ia Ijitu.

Hozeia 12:13

Maji Jihova-phe ua tumine o polofeta iú ua tombola Izalaiele ku Ijitu, o ku lukuaku lua polofeta kuene kua kondekela jinga o mundu uê.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Dialuilu 14:22

mala enhá kia mono unene uami ni isuma i nga bhange mu Ijitu ni mu kikangalakata, maji a ngi bhumina lukuinhi luosʼulu, nguauâ kuívua dízui diami;

Matesu 24:43

Ijiienu-kiu, se mukua ʼnzo uejidile kithangana kioso kia-nda kuiza muíi, ueji kulangidila, keji kuehela inzo iê ku i kanda.

Matesu 24:48

Selevendeʼoio iaiibha-phe, kià kela ku muẋima uê, uixi: Ngana iami, ki lelu eza!

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 7:40

Hé a tangela Alá, exi: Tu bhangele jinzambi, jinzambi ji tu songuela ku pholo. Kuma o Mozé muenʼiú, ua tu songuela mu ku tunda kʼ oxi ia Ijitu, ki tuejiia kioso kia mu bhiti.

Matendelelu 31:8

Jihova muene ua-nda ku ku tuamenena ku pholo, muene ua-nda ku ku banda; muene ka-nda ku ku xa, kana; ka-nda ku ku ehelela. Kana kukala-phe ni uoma, mba u kala ni hele.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Matendelelu 9:9

O ki nga bandele ku mulundu mu kutambula mabaia ma matadi mabaia ma kikutu kia mi bhana Jihova, anga ngi bhanga-ku makuinhi auana a makumbi, ni makuinhi auana a usuku, anga ngi kalaʼmi muene kienhókio ki bhua kudia mbolo, ki bhua kúnua menha.

Josuué 7:13

Balumuka, u zelese o kifuẋi, u a ambele kuila: Di zelesienu, mbé kizúua kia mungu, kuma Jihova, Nzambi ia Izalaiele, uambe kiki: Muala ni kima kiókidike muʼaxaxi kenu, mu Izalaiele; kiene ki mua lembuela kuimana bhu pholo ia jinguma jenu, katé ki mu tubhula o kima kiókidike kiala muʼaxaxi kenu.

II Phetele 3:4

Muène ua mi tangela kuila hádia uiza, kuambe? Kizuelu kiê kuila hinu uiza, ki kuebhi? Hanji kiʼaia jitata jetu ku kilu, ima ioso ia xalela mu ukalelu uê kala ki ieniʼê kiá tunde bhua matekena ku i bhanga!