Makatukilu 30:7 - O Mikanda Ikola

⁷ Alá kuene kuohela jinga o uasu ua uabha o dizumba; izuua ioso mu kimene, kioso kia iukisa o jikandeia, kiene kioha o uasu ua dizumba.

Makatukilu 30:7 ပူးပေါင်းရင်းမြစ်များ

I Malunda 23:13

O ana a Amalame, enhá: Alá ni Mozé; O Alá a mu tungula phala kukolesa dingi o ima ikôla kinéne, ni muene ni anʼê, mu ithangana ioso katé ku hádia ni hádia; phala ku-ta o ima ia uasu ua mazumba bhu pholo ia Jihova, phala ue ku mu xibhidila jinga ni phala kubhana jinga o dibesá ku athu mu dijina diê katé ku hádia ni hádia.

I Malunda 6:34

mona a Elekana, mona a Jelouamu mona a Ediiele, mona a Toua,

II Malunda 2:3

Solomá hé u tumikisa njimbu kua Hilamu, sobha ia Tilu, kuila: Kala ki ua bhange kua tatʼetu Davidi, eie ua mu tumikisa jinga miẋi ia sédulu phala kutunga inzu mua kukala, kiene ue ki u ngi bhanga eme.

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

II Malunda 26:18

A fudisa sobha Uziia, anga a muʼambela, exi: Eie Uziia ki ki ku fuama, kuoha o uasu ua dizumba bhu pholo ia Jihova, maji kia a fuama o jinganga, anʼa Alá, athu a a lumbu, mbebhu o kuoha uasu ua dizumba; mu kididi kikôla tunda-mu, kuma ua tondala; kuma kienhiki ue ki ki tena ku kukala ujitu ué-eie, ku mbandu ia Jihova Nzambi.

II Malunda 29:7

O mabhitu ma kitelembe ue a ma jika; o tundeia a tu jimi; ka mu kʼoha dingi uasu ua dizumba, mba kubhana jisata ja kubhakula ni túbhia kua Jihova, mu kididi kikôla kia Nzambi ia Izalaiele.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Makatukilu 30:34

Jihova anga uambela dingi Mozé, uixi: U kuata mauasu ma uabha dizumba ni xitolake, ni oníxa ni ngálbano i nuha kiambote, kumoxi ni uasu ua isenso ua zele kiambote, ima ioso iii i sokela mu kunema ku pezu.

Makatukilu 30:6

U ka tula mu sala kunu, kifua kibatulu ki bhita ku dima diê, o ku dima dia kibatulu mu xilu, muene mu kala álaka ia umbangi, ni kibhuna kiê kia kiadi kia tula ku thandu, o moxi diê mu kala umbangi; kiene o kididi bhu tu takanena.

Makatukilu 30:8

Ni kioso kia uika ue o jikandeia mu ngoloxi, kuila mixinda ia maku ia jimi kiá, uoha uasu ua dizumba; o mu kubhanga kiki, bhu pholo ia Jihova bhu kala jinga uasu ua dizumba ku miji ienu ioso, katé ku hádia ni hádia.

Makatukilu 40:27

Anga u bhangela-ku o dixi dia ibatubatu ia uabha mazumba; kala kia mu tumu Jihova.

Ijila 6:5

mba kima kioso-kioso kia tela mulûko ua makutu; kikale u ki vutula muene kiene kioso kia tenena, nʼa te-ku dingi mbandu ia katanu ia kiki kia futu; o uoso mukua kiê muene a mu bhana-kiu, mu kizuua kiene kia di mono iú kuila uala ni kuêla.

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Dialuilu 7:56

ni ngutu imoxi ia ulu, kinemenu kiê kuinhi dia xikulu, iezala uasu ua dizumba;

Luka 1:9

Muène anga ki mu tokala, mu kífua kia unganga, o kubokona mu Tembulu ia Ngana, mù bhanga o fumasa ia dixi dia dizumba.

Jipoxolo 6:4

Etu-phe, tu jijila jinga o kusamba, ni ukunji uetu ua ku longa o maka ma Nzambi.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.

I Samuuele 2:28

Kʼeme nga mu solo muene mu miiji ioso ia Izalaiele mu ku kala nganga iami ia kubanda bhu kalatódio kami, ni kubhanga fumasa ia uasu ua dizumba, ni kuzuata efodi bhu pholo iami? Kʼeme nga bhana dibhata dia tatʼenu o jisata joso ja anʼa Izalaiele ja kuoha mu túbhia?

I Samuuele 3:3

kioso kandeia ka Nzambi kiluua ka jima, Samuuele-phe ua zeka kiá bhu kididi kiê mu tembulu ia Jihova, bhuala álaka ia Nzambi;