Makatukilu 30:34 - O Mikanda Ikola

³⁴ Jihova anga uambela dingi Mozé, uixi: U kuata mauasu ma uabha dizumba ni xitolake, ni oníxa ni ngálbano i nuha kiambote, kumoxi ni uasu ua isenso ua zele kiambote, ima ioso iii i sokela mu kunema ku pezu.

Makatukilu 30:34 ပူးပေါင်းရင်းမြစ်များ

Nehemiia 13:5

anga a mu bhangela xilu dionéne, mʼukulu mu a kexi mu bhaka o mibhaku ia mákudia, ni uasu ua dizumba, ni itutu, ni díjimu dia mbandu ja kakuinhi ja jimbundu, ni ia vinhu, ni maji, ima ioso ioio ia tumine kubhana akua Leví, ni jingimba, ni alangidi bhu mielu, kumoxi ue ni ujitu ua kubhuka ua jinganga.

Makatukilu 25:6

ni maji ma kandeia, ni fufuta ia mazumba phala maji a kuuesa ni amukuá phala o isensu ue ia dixi dia dizumba,

Makatukilu 30:23

Eie-phe u kuata ue ni ibatubatu ia miẋi ia mazumba, ioso iate kiavulu: ni mira ni sumu, hâma jitanu ja xikulu, o kanela ka uabha dizumba, ka kala kaxaxi, kifua hâma jiiadi ja xikulu ni makuinhi atanu, ni kálamu ia uabha dizumba, i kala hâma jiiadi ja xikulu ni makuinhi atanu.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Makatukilu 30:35

Anga u iudika na-iu o isenso ia uasu ua uabha dizumba, uòlunge kiambote ni uhete uoso ua mesene ia ufunu ua maji a mazumba, nʼòtoue ni môngua, ua zele kiambote ukôla.

Makatukilu 30:7

Alá kuene kuohela jinga o uasu ua uabha o dizumba; izuua ioso mu kimene, kioso kia iukisa o jikandeia, kiene kioha o uasu ua dizumba.

Makatukilu 31:11

ni maji a kuundila, ni isenso ia ibatubatu iauabha o dizumba, phala mu kididi kikôla; iene ioso kiá i nga ku lekelela, ene a i iudika.

Makatukilu 35:15

ni kalatódio ka dixi dia dizumba ni mikambu iê, ni maji ma kuundila, ni uasu ua uabha dizumba, ni dibeka dia kuxita bhu muelu ua balaka;

Makatukilu 37:29

Anga u iudika ue ni maji akôla a kuundila, ni uasu ua ibatubatu ia uabha mazumba, iólunge kiambote ni ufunu ua mesene ia jinguendu, uene mu iudika o ima ia mazumba.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Izaía 43:23

Hombo ni mbudi ia jisata jê, ku ngi bhekela-iu; ua lémbua ku ngi xila ni maujitu mé; eme-phe ki nga ku jijidika ku ngi satela, ki nga ku bhuidisa ni kututa uasu ua mazumba.

Ijila 16:12

A kuate ue o kiómuenu kiezala ni makala ma uama, matundu ku kalatódiko, kua Jihova, o bhu maku uvuota mabhubhu ma iadi ma uasu ua dizumba dinuha kiambote, uótuzale, a bokone-na-u mu ʼxilu dia mvéu.

Ijila 2:1

Se muthu u bhanga ujitu ua mubhaku ua musa kua Jihova, ujitu ué u kala ua fuba ia fina; u lunduluila-ku maji, u ta-ku ni uasu ua dizumba;

Ijila 2:15

U lunduluila-ku maji, ni u tula-ku o uasu ua dizumba; uene o mubhaku ua musa.

Ijila 24:7

Kadia munônė-phe u u kuua uasu ua dizumba ku thandu, uene ukala ujitu ua dilembalesu ku jimbolo; kuma ujitu ua kubhakula ni túbhia kua Jihova.

Ijila 5:11

Se uadiama uê uavulu, ni membe ngó maiadi, mba tuana tuiadi tua jipomba, ka tena ku tu kuata, a bheka-phe, mu ujitu ua kituxi kiê kiate, kakinda ka fuba ia fina ka tena mbandu ia kakuinhi ia efah mu sata ia kituxi; ka te-ku-phe maji, ka te-ku uasu ua dizumba; kuma sata ia kituxi.

Dialuilu 4:16

Kimbamba kia Eliiazale dia Alá, nganga, o maji a dimuikinu, ni uasu ua uabha dizumba, ni mubhaku ua makudia ua bhingi ki uene kukamba-ku dingi, ni maji a kuundila, ni kutambula konda ia balaka ni ima ioso iala-mu, ni dibhezelu ni ima ioso iatokala-ku.

Dialuilu 7:14

ni ngutu imoxi ia ulu, kinemenu kiê kuinhi dia xikulu, iezala uasu ua dizumba;

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.