Makatukilu 30:15 - O Mikanda Ikola

¹⁵ O monhi ka te-ku, o ngadiama ue ka selula-ku, ki kale kaxaxe ka xikulu ka bhana mu ujitu ua Jihova phala mienhu ienu ku i bhuisa ikuma.

Makatukilu 30:15 ပူးပေါင်းရင်းမြစ်များ

II Samuuele 21:3

Davidi anga u ambela akua Ngibiione, uixi: Ngi mi bhanga kiebhi? Ngi mi bhana kima kiahi mu ku mi luulula, phala mu bhane dibesá ku undundu uangene ua Jihova?

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Makatukilu 30:12

Kioso ki ualula (u kuata konda ia) anʼa Izalaiele, phala ku a ejiia kuvula kuâ se ala kikuẋi, ki bhinga kala muthu kia mu kondala, u bhana kidikulu mu kukula o muenhu uê kua Jihova; phala ki ku bhite kibuika ki tunda mu ku alula.

Makatukilu 30:14

Uoso-uoso u bhita ku dialuilu, se ua bhiẋila mu kitala kia makuinhi aiadi a muvu mba ua somboka-mu kiá, u bhana ujitu uangene ua Jihova.

Makatukilu 30:16

Eie-phe u tambula kitadi kiki kia ku di bhuisa ikuma, ku anʼa Izalaiele, phala ku ki bhana mu kikalakalu kia balaka ia Jihova, phala enu uenu ku di bhuisa ikuma ku mienhu ienu.

Makatukilu 38:26

Kala mútue u bhana baka, kifua kaxaxe ka xikulu, o xikulu iene muene ia dibhezelu; mala ene oso muene a a bhitisa mu disonekenuʼodio, oso a bhiẋila kiá mu kitala kia makuinhi aiadi a muvu, mba a somboka-mu, a tenene hâma jisamanu ja jimidi ni midi jitatu, ni hâma jitanu ni makuinhi atanu, a muthu.

Jisabhu 22:2

Ni mvuama ni ngadiama sai bhu a takanena; oko kiiadi kiâ Jihova muene ua a iudika!

Izekiiele 45:16

O mundu uoso mu ixi enda ni kubhana o mubhaku phala o ujitu uenhú kua kilamba kia Izalaiele.

Ijila 17:11

Mbata muenhu ua xitu uala mu manhinga; kiene ki nga mi bhela-u ku thanduʼa kalatódio mu ku mi jimuina ikuma, mienhu ienu phala ibhanduluke; mukonda o manhinga ene ngoho a tena kubhanga kiamenga ki zelesa o mienhu ia athu.

Dialuilu 31:50

Etu tua bheka-phe ujitu uetu kua Jihova, muthu ni muthu ua bhana kimbamba kioso kia kuata koko, ni ku makembu a ulu, ni malenge, ni jiselu ja maku, ni jinela, ni jibixa, ni malubhambu a xingu, mu sakidila mienhu ietu kua Jihova.

Efezo 6:9

Enu uenu mu jingana, ima iene imoxi i mu bhanga o abhikʼ enu, kana kuia ni ku a kusa. Kuma mua kʼ ijiia kuila ku diulu sai-ku Ngana iâ, muene ue Ngana ienu, o muène kene ni katungu ka athu.

Kolose 3:25

Uoso-phe u bhanga phulu, ua kà tambula dingi kia fuama mu phulu iê ia bhange. Mukonda athu oso Nzambi u a fundisa kiene kimoxi, mbata kuene kana-ku katungu kʼathu.