Makatukilu 30:1 - O Mikanda Ikola

¹ U iudika ue ni kalatódio phala kuohela-ku uasu ua dizumba; u ka iudika ni muẋi ua xitimi.

Makatukilu 30:1 ပူးပေါင်းရင်းမြစ်များ

I Jisobha 6:20

O dibhezelu dienhidi, moẋiʼa tembulu, dia kexile ni makuinhi aiadi a kóvado mu kulebha ni makuinhi aiadi a kóvadu mu kuzanza ni makuinhi aiadi, mu kitala. Anga u di xiia ni ulu uoso uakenzuluka kiambote; o kalatódio ua ka kembesa kiambote ni mabaia a muxi ua sédelu.

I Jisobha 6:22

Inzo ioso anga u i xiia kienhiki ni ulu ua fina katé inzo ioso kiiabhu; ni kalatódio koso ue ka kexile ku pholo ia dibhezelu, ua ka xiia ni ulu ua fina.

I Jisobha 7:48

Solomá anga u bhanga ue dingi o itutu ia tokalele mu Kididi Kikôla kia inzo ia Jihova: o Kalatódio ka ulu ni meza a ulu kua kuenda ni kutula jinga o jimbolo ja kutela;

I Malunda 28:18

Phala o kalatódio ka uasu ua dizumba, ulu ua fina uòzonge, mu kunema kuê. Kiene ue kimoxi ni ulu ua tokala dikalu dia Jikelubine, jòleka o mabhabha phala kuvungina o Alaka ia Kikutu kia Jihova.

I Malunda 6:49

O Alá ni anʼê ene akexile mu kuoha o ima ioso ia mazumba ku thandu dia Kalatódio ka jisata ja kuoha, ni ku thandu dia Kalatódio ka uasu ua dizumba phala o kikalakalu kioso bhu kididi kikôla kinéne, mbé kubhangesa o sata ia kiamenga ia kubonza Izalaiele, kala kioso kia tumu Mozé selevende ia Nzambi.

II Malunda 26:16

Maji Uziia-phe kia zubha kiá o ku kituka dizonda, o muẋima uê ua di zangeleka katé ki ua zangiua; anga u tondalela Jihova, Nzambi iê, mbata ua bokona muene mʼonzo ia Jihova phala kuoha uasu ua dizumba ku thandu dia kalatódio ka uasu ua dizumba.

Makatukilu 30:10

Alá u bhuisa ikuma ku jimbinga ja kalatódio kaka, lumoxi ku muvu, ni manhinga ma sata ia kubhuisa ikuma; lumoxi ku muvu, ua kà bhuisa ikuma ku thandu dia kalatódio, katé bhua kà suka o miji ienu. Kalatódio kaka, ka kôla kinéne, kangene ka Jihova.

Makatukilu 30:2

Mu kulebha kuê ka kala ni kôvadu imoxi, o mu kuzanza ue kôvadu imoxi; mbandu jiuana joso ji sokela; o kitala kiê kôvado jiiadi; ni jimbinga jê a ji sudila kumoxi, ji kuatenena koko.

Makatukilu 31:8

ni meza ni malonga mê, ni kandeia ka ulu ua kenzuluka kiambote, ni imbamba iê ioso, ni kalatódio ka dixi dia dizumba,

Makatukilu 35:15

ni kalatódio ka dixi dia dizumba ni mikambu iê, ni maji ma kuundila, ni uasu ua uabha dizumba, ni dibeka dia kuxita bhu muelu ua balaka;

Makatukilu 39:38

ni kalatódio ka ulu, ni maji ma kuundila, ni isenso ia uasu ua uabha dizumba, ni dibeka dia muelu ua balaka;

Makatukilu 40:5

O kalatódio ka ulu ka uasu ua dizumba u ka bhaka mu divula, álaka i kala mu xilu, anga u ta dibeka dia kuxita bhu muelu ua balaka.

Izekiiele 41:22

O Kalatódio ka mabaia ka kexile ka kóvadu jitatu mu kitala, o mulebhelela uê ua kóvadu jiiadi, hé ka kala ni jithungi jê; o maxikikilu mê ni mutôto uê, ua kexile ua mabaia; anga u ngʼambela, uixi: O iá ene o meza ala bhu pholo ia Jihova.

Ijila 4:18

Ku manhinga enhó ue u ta-ku ku jimbinga ja kalatódio kala bhu pholo ia Jihova, mu balaka ia ditakanenu; o manhinga ma mukuá moso ma subhuka-ku u a eẋikila bhoxi dia kalatódio ka jisata ja kuoha, mu kithâdi bhu mbandu ia muelu ua balaka ia dibhongolokelu.

Ijila 4:7

Nganga u ta ue o manhinga ku jimbinga ja kalatódio ka uasu ua uabha o dizumba, bhu pholo ia Jihova, kala mu balaka ia kutakanena; manhinga ma mukuá moso u a eẋikila bhoxi dia kalatódio ka jisata ja kuoha, kala mu kithâdi bhu mbandu, a muelu ua balaka ia kutakanena.

Dialuilu 3:31

Kimbamba kiâ o álaka, ni meza, ni kaxtisale, ni jikalatódio, ni imbamba ioso iene mu bhanga na-iu kikalakalu kia dibhezelu, ni dibeka dia kibatulu ni ima ioso ia tokala-ku.

Dialuilu 4:11

Ku kalatódio ka ulu ue a futa-ku thanga ia azulu, a ta ni divunga dia ibha ia njimbu, hé a ta-ku ni mikambu iê;

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.

Dijingunuinu 8:3

Ku kala ue anju iamukuá ueza, uemana bhu mbanduʼalatódio, ni kiomuènu kia ulu kia kuta uasu ua dizumba. Anga a mu bhana fufutila iavulu ia dizumba, phala a i bandekeze ku misambu ia akua-Ngana oso, ni a i bhakuile Nzambi ku thanduʼa kalatódio kene bhu pholo ia kiandu.