Makatukilu 3:8 - O Mikanda Ikola

⁸ Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 3:8 ပူးပေါင်းရင်းမြစ်များ

Dimatekenu 11:5

Ngana anga u tuluka mu tala mbonge ni kathôndo kala mu tunga anʼathu.

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Dimatekenu 15:13

Muene anga u ambela Mbalamu, uixi: Ijiia na-kiu kiambote kuma, mbutu ié hádia a kà kala jinzuangiza mʼoxi iengi, ki iâ ene, a kala mu bhikila akuaʼxi koko; a kà kala mu ku a tatesa mu hama jiuana ja muvu.

Dimatekenu 15:14

Maji, eme ue, ki ia kà zubha o kubhita-phe, akuaʼxi ioio ala mu ku a bhikisa nga kà a bhesa kaxitiko, ene a kà tunda-mu ni jimbongo javulu.

Dimatekenu 18:21

Ngi tuluka-ku, ki ngalʼiki, nga kà sange se kidi muene a bhange kala kudikola ku ngevu, o ki ki kala makutu, phala ngi kʼijiie.

Dimatekenu 43:11

Bhenhobho Izalaiele, tatʼâ, anga u a ambela, uixi: Se kia bhingi kiene ki bhita, bhangenu kiki: Ambatenu ku imbamba ioso ia ixi kunu o ima ioso i tela kuenhoko mu imbamba ienu, nda o diiala dienhódio mu mu bhekele ujitu, ni tu bálsamu, ni tu uiki, ni ima ia mazumba, ni mira, ni jinoze ja pistaxo, ni jiamendoua;

Dimatekenu 46:4

Eme-muène ngi kulumuka ni eie mu ku ku bheka ku Ijito; hinu ue Eme-muene ngi ku katula, ngi ku bheka dingi kunu; hádia ki u badikinha, lukuaku lua Zuze luene lua kà ku jika o mesu.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

I Malunda 1:15

ni Mahivi, ni Ji-alakeu, ni akua Sine,

Nehemiia 9:8

Anga u mu mona ni muẋima ua iuka bhu pholo ié, hé u ta-nê kikutu, kuila ua-nda ku mu bhana o ixi ia akua Kanana, ia akua Hiti, ia akua Amolé, ia akua Peleze, ia akua Jebuzé, ia akua Jidingazé, nda u i bhana o mbutu iê; eie anga u tenesa ki ua zuela, kuambe eie Ngana ua iuka.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisálamu 34:8

Lolenu, mu mone kuma Jihova uene ni mbote; muthu ió u lunga uoso ua mu dielela muene.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 13:5

Kioso-phe Jihova kia kà mi bheka mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi ia lokela jitata jenu ku mi bhana-iu, ixi i kunguluka lete ni uiki, mua kà kuata ue kijilʼiki, mu mbeji iene i tualʼiii.

Makatukilu 3:17

Kala kiki, nga ki ambe muene kuma ngi mi tundisa mu jiphaxi ni jingongo ja Ijitu, ngi mi bandesa katé mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi i kunguluka lete ni uiki.

Makatukilu 34:11

Aiuka kiambote kioso ki ngi ku ambela kizuua kia lelu; nga-nda kukaia bhu pholo ié, o Mamodi, ni Makanana, ni Mahiti, ni Mapelezi, ni Mahivi, ni Majebuzi.

Makatukilu 5:23

Kuma tunde ki ngeza kua Falaó kuzuelela mu dijina dié, muene ua bandekeza phulu ku mundu iú, eie-phe kukudila o mundu ué, ki kuata-ku.

Izaía 36:17

Katé ki nga kèza anga ngi miʼambata mʼoxi iedi kala oxi ienu; oxi ia masa, ni maluvu, oxi ia mbolo ni mivide.

Izaía 64:1

Ó Ngana! Tamanu ua budile maúlu anga u tuluka, o milundu anga i di keleka mukonda dia pholo ié!

Jelemiia 11:5

bhenhobho-phe nʼeme bhene bhu nga-nda ku di ẋikinina o ku kumbidila muloko u nga lokele, ku jitata jenu kuila hinu ngʼa bhana oxi i zunzumuka lete ni uiki, kala ki mua mu ki mona leluʼidi. Eme bhenhobho nga kumbulula, ngixi: Èué, Jihova tata!

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 32:22

Eie ua a bhana o ixi iii, i ua lokela o jitata jâ kuila ua-nda ku a bhana-na-iu; ixi i kunguluka lete ni uemba.

Izekiiele 20:6

Mu kizuua kienhokio, nga a zanguila o lukuaku luami, hé nga a lokela ngixi: nga-nda ku mi katula mʼoxi ia Ijitu ni ngi mi bheka mu ixi i nga dianga ku mi muena, ixi i zunzumuka lete ni uiki, i ia di-bhange iene o makembu a jixi joso.

Ijila 20:24

Maji Eme-phe nga mi ambela enu, ngixi: Mu bhingana oxi iâ-ene, i mi kale undundu uenu, ni ngi mi bhana-iu muene, phala mu iʼvue, oxi i zunzumuka lete ni uiki; kabasa eme Jihova Nzambi ienu, nga mi uanununa muʼaxaxe ka ifuẋi ku mundu.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Dialuilu 13:18

ixi mu i londe kiambote mba iala kiebhi; ni athu a tungu-mu se ala ni nguzu mba a bhuila, se a vulu mba a tolo;

Dialuilu 13:19

ni ixi iene ia tungu, se iauabha mba iaiibha; ni jimbanza jâ, se jisanzala ngó mu kanga dia hatu, mba a ji xiti ni imbaka.

Dialuilu 13:27

A ambela, exi: Ixi tua i sange muene, ku ua tu tumu; i kunguluka lete ni uiki, ki makutu, o ibundu iê iene i tua bhekʼiii.

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Matendelelu 1:25

Anga a kanza-mu ibundu iaʼxi, eza na-iu bhu maku mâ, a tu tudila mahezu, exi: Oxi ia tu bhana Jihova Nzambi ietu iauabha muene kiambote.

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 27:3

O ki u zubha kuzaúka, kuene ku ua kà soneka o maka moso ma Kitumu kiki, phala kubokona kiua mʼoxi ia-nda ku ku bhana Jihova Nzambi ié, oxi i zunzumuka lete ni uiki, kala kia ku ambela kiá Jihova Nzambi ia jitata jé.

Matendelelu 28:11

O jimbote Jihova ua-nda ku ku vudixila-ju kiá, akuenu oso ndenge; u ku bhana-ju ku ibundu ia divumu dié, u ku bhana-ju ku ibundu itunda mu ibhaku ié, u ku bhana-ju ku ibundu ia mavu aʼxi ié, mʼoxi ia lokela Jihova ku i bhana ku jitata jenu.

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Josuué 5:6

Kuma anʼa Izalaiele a nhungine makuinhi auana a mivu mu kikangalakata, katé kifuẋi kioso kia makuenze a ita a tundile mu Ijitu a buila, mukonda dia kukamba kuívua dízui dia Jihova; Jihova anga u a lokela kuma ka ehela dingi kumona ixi ioio ioso ia lokela jinga jitata jâ ku tu bhana-iu; ixi i kunguluka lete ni uiki.

Josuué 9:1

Anga kibhita kiki, jisobha joso ja kexi ku sámbua kunu dia Njolodá, ku mulundu, ni mu jingânga, ni ku kibumu kioso kia musanza uónene ua kalunga bhu dilulamenu dia Libano, ni Mahiti, ni Mamodi, ni Makanana ni Mapelezi, ni Mahivi, ni Majebuzi, kia zubha ku kʼivua,

Josuué 9:7

Mala a Izalaiele anga a kumbulula o Mahivi, exi: Sumba-phe mua tungu muʼaxaxi ketu; tuta kiebhi dingi kikutu nʼenu?