Makatukilu 3:6 - O Mikanda Ikola

⁶ U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 3:6 ပူးပေါင်းရင်းမြစ်များ

Dimatekenu 12:1

Jihova anga u ambela Mbalamu, uixi: Katuka mʼoxi ienu, ni mu jindandu jenu ni mu bhata dia tatʼenu, ua kʼàie ixi iengi;

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

Dimatekenu 24:12

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:17

Anga u kala ni uoma, uamba uixi: Kididi kiki ki kôla! Kiki ki kididi kiengi, kana, iene o inzo ia Nza mbi, iú uene o muelu ua diulu.

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

I Jisobha 18:36

Hé ki bhita-phe kuila ki a zubha kubhikila o kithangana kia kubhana o mubhaku ua musa, polofeta Elija u zukama, anga u zuela, uixi: Eie u Jihova, Nzambi ia Mbalahamu, ni Izake, ni Izalaiele, di tukulule mbé lelu a kʼijiie kuma eie-muène u Nzambi mu Izalaiele, ni kuila ue kuma eme ngi ngunza ié, o ima ioso iii nga i bhange mu kizuelu kié.

I Jisobha 19:13

Anga ki bhita-phe kuma, Elija, kia dʼivu, u futa o pholo iê mu divunga diê, anga u tubhuka bhu kanga, anga uiza hé uimana bhu muelu ua dibânda diê; hé uívua kua mu iza dízui: Elija ua mu bhangaʼhi bhabha.

Nehemiia 9:9

Anga u mona dilamba dia jitata jetu mu Ijito, anga uívua o kudikola kuâ ku mbanduʼa Kalunga Ka Kusuka.

Estere 3:4

Anga ki bhita kuila, mu kukala-phe, kia zubha kuia ni ku mu zuelesa kiki izuua ioso, o muene-phe nguaié ku a evua, a ki tanga kua Hamane phala kuijiia mba Hamane u mu bhanga kiebhi, ni kumona ue mba Moledekai u jiza mu kífua kiê kuma muene ua a tangelele uixi ngi judé.

Jisálamu 132:2

kioso kia lokela Jihova, anga u di hambelela kua Ngunza ia Jakobo, uixi:

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Makatukilu 33:20

Uixi-phe dingi: pholo iami ku tena ku i mona; kuma kana muthu u tena ku ngi mona nʼa laie.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:38

Ene a kà kala athuʼami, eme ngi kala ngi Nzambi iâ.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.

Matesu 17:6

Jixibulu kia kʼivu, a di bhala jipholo bhoxi, uôma uavulu ua a kuata.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Marku 12:26

O kia madifundu-phe mba a fukunuka, enu kiluua mu tanga mu divulu dia Mozé? Sai bhuala o maka ma Kisasa, kia mu ambela Nzambi, uixi: Eme ngi Nzambi ia Mbalahamu, Nzambi ia Izake, Nzambi ia Jakobo.

Luka 20:37

O kuila athu afu a kà fukunuka, ni Mozé ue ua kʼidikiza kiambote mu maka ma kisasa kia uama, bhu exanene Ngana, uixi: Nzambi ia Mbalahamu, Nzambi ia Izake, Nzambi ia Jakobo.

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Jipoxolo 7:32

Eme ngi Nzambi ia jitata jenu, Nzambi ia Mbalahamu, ni Izake ni Jakobo. Mozé anga u teketa ni uôma, ka bhumina dingi kutalesa-ku.

Jipoxolo 7:34

Nga tongolola muene o phaxi ia mundu uami mu Ijitu, ngevu o kukema kuâ. Eme nga tuluka mu ku a kudila. Kiki eie nganda ku ku tuma ku Ijitu.

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 12:21

O kisuma kiokio kia kexi ku mona, kia a bhekelele uoma, katé ni Mozé, uixi: Nga mu teketa kiavulu ni uoma!

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

Afundixi 13:22

Manoua anga u ambela mukajiʼê, uixi: Tua-ndu fua, mukonda Nzambi tua mu mono mesu.