Makatukilu 3:5 - O Mikanda Ikola

⁵ Nzambi, uixi: Kana kuzukama dingi kunu; o jisabhatu ku inama ié zula-ju; kuma kididi ki uemana, mavu akôla.

Makatukilu 3:5 ပူးပေါင်းရင်းမြစ်များ

Makatukilu 19:12

O mundu ua kà a xindila jimbámbe ku mbandu joso, hé u a tangela, uixi: Di langienu! Ki mu bande ku mulundu, mba mu bhiẋila mu jimbambe jê, kuma uoso u tuta ngó mu mixinda ia jimbambe ja mulundu, a kà mu jibha.

Makatukilu 19:21

Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 4:28

Mozé anga u kunda Alá maka moso ma Jihova ma mu tumu-nâ, ni ijimbuete ioso ia mu tendelela ku i bhanga.

Ndongixi 5:1

Kinama kié langa-kiu, kioso ki u bokona mʼonzo ia Nzambi; beta kuzukamena o kuívua, kana kubhana ujitu ua ioua, kuma ene kʼejiia kuila a mu bhanga kiaiibha.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Jipoxolo 7:33

Bhenhobho Ngana u mu ambela, uixi: Zula o jisabhatu jé ku inama, kuma kididi ki uemana, mavu a kôla.

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

Jihebeleu 12:20

Kuma a ki lembua kioso kia a xindi exi: Né kibhaku ngó se ki diota ku mulundu, kikale mu ki buba ni matadi.

Josuué 5:15

Kilâmba kia ifuẋi ia Jihova anga uambela Josuué, uixi: Zula jisabhatu je ku inama; kuma kididi ki uemana ki kôla, Josuué anga u ki bhanga.

II Phetele 1:18

Dizui dienhidi, etuʼene muene tua dʼivua, di tunda mu diulu, ki tua kexile ni Ngana Jezú ku mulundu ukôla.