Makatukilu 3:18 - O Mikanda Ikola

¹⁸ Ene-phe a-nda ku ku ivua dízui; kienhokio-phe ua kà bhiẋila kua muenexiʼa Ijitu ni eie ni adiakimi a Izalaiele kumoxi, mua kà mu ambela kuma: Jihova, Nzambi ia Jihebeleu, ua tu sange; kala kiki, eie tuehe-phe, tua ku diondo, tuie njila ia izuua itatu mu kikangalakata, tua kà satele Nzambi.

Makatukilu 3:18 ပူးပေါင်းရင်းမြစ်များ

Dimatekenu 12:1

Jihova anga u ambela Mbalamu, uixi: Katuka mʼoxi ienu, ni mu jindandu jenu ni mu bhata dia tatʼenu, ua kʼàie ixi iengi;

Dimatekenu 14:13

Anga bhu kala ni iú ua lenge, uiza mu tudila Mbalamu, o hebeleu; muene ua tungu bhu miẋi kaluvalu ia Mamele mukua Modi, phange ia Exikole, phange ia Anele, enhá akexi mu kikutu kimoxi ni Mbalamu.

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 48:3

Jakobo anga u ambela Zuze, uixi: Nzambi, Muteni-a-Ioso, ua ngi tukulukila bhu Luze, mʼoxi ia Kanana iu ua ngi bhana o kizediuise,

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 17:5

Jihova anga u ambela Mozé, uixi: Bhita bhu pholo ia mundu, ni adiakimi amukuá a Izalaiele, u ila-nâ kumoxi; ni mbangala ié u i kuata, ioso i ua betele na-iu o honga ia menha nda uie.

Makatukilu 19:1

Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Makatukilu 30:36

Mbandu ia mukuá u i zuka, i kala fufutila, anga u i bhaka bhu pholo ia umbangi mu balaka ia kutakanena, bhene bhu ngi takanena jinga ni eie.

Makatukilu 30:6

U ka tula mu sala kunu, kifua kibatulu ki bhita ku dima diê, o ku dima dia kibatulu mu xilu, muene mu kala álaka ia umbangi, ni kibhuna kiê kia kiadi kia tula ku thandu, o moxi diê mu kala umbangi; kiene o kididi bhu tu takanena.

Makatukilu 4:1

Mozé anga u kumbulula, uixi: Enʼió-ze, Ngana, ka-nda kuà ngi xikana, mba ku ngʼivua dízui; mukonda a-nda kuila: Makutu, Jihova ka ku tukulukila.

Makatukilu 4:23

Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Makatukilu 4:24

Anga ki bhita kuila, ku tula mu njila, bhu kibangu bhua zekela, Jihova u takana ni Mozé, anga u sota ku mu jibha.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Makatukilu 5:1

Kia zubha kubhanga kiki, Mozé ni Alá a bhiẋila kua Falaó a mu ambela, exi: Kiene kia zuela Jihovʼiki, Nzambi ia Izalaiele: Eha mundu uami, phala aie mu kikangalakata, a ngi bhangele-mu fesa.

Makatukilu 5:3

Kuala ene: Nzambi ia Jihebeleu ua tu sange; eie tuehe-phe, tua ku diondo, tuie njila ia izuua itatu mu kikangalakata, tua kà satele Jihova, Nzambi ietu; mbe muene kʼeze kuthandu dietu ni dibhebhu mba xibhata.

Makatukilu 7:16

Ua kà mu ambela kiki, uixi: Jihova, Nzambi ia Jihebeleu, ua ngi tumu ko kué uixi: Eha o mundu uami phala aie ku ngi bhikila mu kikangalakata; ua mono-phe katé ni kiki kua ẋikina kuívua.

Makatukilu 8:1

Jihova anga u ambela dingi Mozé, uixi: Bokona kua Falaó u mu ambela, uixi: Jihova uambe kiki: Eha o mundu uami, aie a ngi bhikile.

Makatukilu 8:20

Jihova anga u ambela dingi Mozé, uixi: Mungu u fundumuka mu kimenemene, uimane bhu pholo ia Falaó; uejiia iene ola iê ia kutunda kuia ku menha; u mu ambela, uixi: Jihova uambe kiki: Eha o mundu uami, phala a ngi bhikile.

Makatukilu 8:23

Ngi ta mbámbe mu kaẋi ka mundu uami ni mundu uê; mungu ki kúkia kiene ki bhita o kijimbuete kiki.

Makatukilu 9:1

Kienhókio o Jihova anga u ambela dingi Mozé, uixi: Bokona kua Falaó u mu ambele, kuma Jihova, Nzambi ia Jihebeleu, uambe kiki: Eha mundu uami, phala aie a ngi bhikile.

Makatukilu 9:13

Bhenhobho Jihova anga u ambela Mozé, uixi: Ki kúkia, u di meneka dingi ua kèmane bhu pholo ia Falaó, u mu ambela, kuma: Jihova, Nzambi ia Jihebeleu, ua-mbe kiki: Eha o mundu uami, phala aie ku ngi bhikila.

Izaía 64:5

Eie ua-ia jinga kutakana ni muthu u sangulukila kubhanga kioso kia iuka, ni ió oso a ku xinganeka jinga mu mauendelu mé; talesa-ze, kindala eie ua thathamana mukonda etu tua te ituxi; mu mauendelu mé tua lueza-mu kithangana kia dikota, tu tena-phe kubhuluka?

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 26:5

phala muende ni kuívua maka ma abhikʼami, jipolofeta, ji ngala ku mi tumikisa, mu ku ji tumikisa ngi di meneka muene, maji enu hanji nguenu kuívua;

Dialuilu 17:4

Hé ua kà ji tula mu balaka ia kutakanena, bhu pholo ia umbangi, bhu nga-nda kuijiia kokuenu.

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.