Makatukilu 3:15 - O Mikanda Ikola

¹⁵ Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Makatukilu 3:15 ပူးပေါင်းရင်းမြစ်များ

Dimatekenu 24:12

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

I Malunda 16:16

O kikutu kia-ta ni Mbalahamu, ni mulôko ue ua-te mu kulokela Izake.

I Malunda 29:18

Eie Jihova, u Nzambi ia jitata jetu Mbalahamu, ni Izake, ni Jakobo, imʼ íii lunda-iu mu ilunji ni mu ixinganeku ia muẋima ua mundu uê; o mixima iâ, lungisa-iu kokué.

II Malunda 28:9

Muenhomo-phe mua kexile polofeta ia Jihova, dijina diê, a muʼila; Odele. Muenʼiú anga u tunda mu ku kauidila o kifuẋi kia masoladi, kia mu kuiza mu Samádia, anga uʼambela, kuila: Talenu, kioso Jihova, Nzambi ia jitata jenu kia thathamena akua Juda, ua a bhakula bhu lukuaku luenu, enuʼenu mua a jibha kiabhu ni njinda ia bhingi kuila ia bhixila katé mu diulu.

Jisálamu 102:12

Eie-phe, u Jihova, u nangenena katé ku hádia ni hádia; kuma thembu ieza-bhu, ia ku mu xinganeka, ua bhixila kiá bhu thembu i ua mu xindi.

Jisálamu 102:13

Sai bhuoso hinu bhu u balumukina, mù kuata henda ia Ziione; kuma thembu ieza-bhu ia ku mu xinganeka, ua bhixila kiá bhu thembu i ua mu xindi.

Jisálamu 135:13

Eie, u Jihova dijina dié dikola, di nangenena kienhiki, katé ku hádia ni hádia! Eie, Ngana, a kala jinga mu ku ku banza ku miji ioso.

Jisálamu 30:4

Imbenu, mu ximane Jihova, enu atuʼê ósole; sakidilenu mu kuxinganeka o kukola kuê.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 68:5

Tata ia jihukunhi, o dilemba dia ahatu a xala atudi, muene Nzambiʼó ku mbanza iê ikôla.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Makatukilu 15:3

Jihova kindanda kia ita; jina diê Jihova muene.

Makatukilu 3:13

Mozé anga u ambela Nzambi, uixi: Ki ngalʼiki-phe, ki ngiia ku anʼa Izalaiele ni nga kèla kuma Nzambi ia jitata jenu ua ngi katula iú ua ngi tumu kokuenu, ene-phe kia kà ngʼibhula exi: Muene o dijina diê nanhi? Nga kêla kiebhi?

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 4:1

Mozé anga u kumbulula, uixi: Enʼió-ze, Ngana, ka-nda kuà ngi xikana, mba ku ngʼivua dízui; mukonda a-nda kuila: Makutu, Jihova ka ku tukulukila.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Makatukilu 6:2

Nzambi anga u zuela ni Mozé, u mu ambela, uixi: Eme Jihova.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 33:2

Jihova ua mu bhanga o ima iii, Jihova uala ku i iudika phala o ku i kuatesa, uambe kuila, Jihova diene o dijina diê.

Daniiele 2:23

Uixi-phe: Eie, Nzambi ia jitata jami, Tana-ku, eme ngi ku tumbula fuma! Kuma eie ua ngi bhe unjimu ni nguzu; mukonda o ki tua ku bhingi, eie ua ngʼijidisa-kiu, mbata ua tu lomboluela kioso kia katela sobha ku thulu iê.

Hozeia 12:5

Kidi-ze, Ió, Jihova, Nzambi ia Ilombo Ieta, dijina diê Jihova ngó, diene di kalelà-ku.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Ijila 24:11

O mona-diialʼú anga uẋonguena Dijina dia Jihova, u di naka, anga a mu bheka kua Mozé. O dijina dia mamʼâ Selomite, monʼa Divile, ku muiji ua Dane.

Mikeia 4:5

Mukonda o kiki ifuẋi ioso a mu kuendela, muthu mu dijina dia nzambi iê, muthu mu dijina dia nzambi iê; etu-phe tua kʼèndela mu dijina dia Jihova Nzambi ietu, ku izuua ni izuua ki iene ni dizubhilu.

Malakiia 3:6

Mbata eme, eme Jihova, ki ngaʼaluluka; mukonda dia kienhiki, enu mu anʼa Jakobo, ki muà ka buika enuʼoso, kana.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 7:32

Eme ngi Nzambi ia jitata jenu, Nzambi ia Mbalahamu, ni Izake ni Jakobo. Mozé anga u teketa ni uôma, ka bhumina dingi kutalesa-ku.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Matendelelu 1:35

Ni kidi kiene, o muiji ua isuéia u kala kiki, ki bhu kala dingi muthu u mona oxi iauabha kiókio i nga lokela ku i bhana jitata jenu.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 13:8

Jezú Kristu muène umoxi, ni mazá, ni lelu, katé ku hádia.