Makatukilu 3:12 - O Mikanda Ikola

¹² Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Makatukilu 3:12 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 15:8

Kuala muene: Ngana tata, u Jihova, eme nga-nda ku kʼijiia kiebhi kuila o ixi iii hádia ngi i lundula?

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 31:3

Jihova anga u ambela Jakobo, uixi: Vutuka kiá kʼoxi ia jitata jé kua ku vualela, ni ku jindandu jé; eme ngi kala kumoxi ni eie.

II Jisobha 19:29

O kiki ki ku kala kijimbuete: O muvu iú anda kúdia ioso ia disabhukila iene; o muvu uiza ioso i tunda ku ngolongo; maji o mu muvu ua katatu, kuuenu mu mune, phaphenu mivide, mu-die ku ibundu iê.

I Malunda 9:20

O Finéia, mona a Eleiazale ku dima kua tundu, muene uakexile hanji o musonguedi muʼaxaxe kâ, Ngana anga ukala-nê.

Jisálamu 86:17

Ng, idikize kijimbuete kia mbote i ua-nda ku ngi bhanga, phala oso a ngi zembe-ó a ki mone, a kale ni jisonhi. Mukonda eie u Jihova ua ngi kuatekesa, eie ua ngi kondo o malamba.

Makatukilu 18:5

Jétulu, ukouʼa Mozé, anga uiza kua Mozé, u mu bhekela anʼê kiiadi a mala, ni mukaji ê; u mu sanga mu kikangalakata bhua te kibangu kiâ, bhu mulundu ua Nzambi;

Makatukilu 3:1

Kiki-phe o Mozé u kala mu kuinga ibhaku ia Jétulu ukouʼê, nganga ia Midiiana. Kizuua kimoxi anga uambata o kilunga, uia na-kiu kuema dia kikangalakata, u bhiẋila ku mulundu ua Nzambi, ku Holebe.

Makatukilu 3:13

Mozé anga u ambela Nzambi, uixi: Ki ngalʼiki-phe, ki ngiia ku anʼa Izalaiele ni nga kèla kuma Nzambi ia jitata jenu ua ngi katula iú ua ngi tumu kokuenu, ene-phe kia kà ngʼibhula exi: Muene o dijina diê nanhi? Nga kêla kiebhi?

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Makatukilu 4:12

Kiki-phe ndé kindala, eme muene ngi kala ni dikanu dié, ngi ku longesa kioso ki ua kà zuela.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Makatukilu 8:27

Tu ehe tuie njila ia izuua itatu mu kikangalakata, phala tu satele Jihova Nzambi ietu kala kia tumu muene.

Izaía 37:30

Eie-phe o kijimbuete kié, kiki: Muvu iú mudia hanji ioso i di sabhukila, o mu muvu uiza-mu mudia kioso kia sabhuka ku ngolongo; maji mu muvu ua katatu kunenu, mu mune, phaphenu mivide, nda mudie o ibundu iê.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 1:8

Ku kale ni uoma bhu phola iâ, mbata ememuène ngi kala ni eie phala ku ku kudila, Jihova ua ki tange.

Dialuilu 16:28

Bhenhobho-phe Mozé uamba, uixi: Bhene bhu mua-nda ku kʼijidila kuila o Jihova muene ua ngi tumu o kubhanga ima ioso ienhiʼii, ki ia mu di tundila ku muxima uami.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Marku 16:20

O maxibulu anga a muangana, he a boka o Njimbu Iambote mu ididi ioso. Ngana muene anga u kalakala-nê, he u kuatesa o Maka-mê ni ijimbuete ia madiuanu ia kaiela-ku.]

Jipoxolo 11:21

O lukuaku lua Ngana anga lu kala-nâ, athu avulu hé a xikana, anga a biluka kua Ngana.

Jipoxolo 7:7

Nzambi anga uila dingi, uixi: Akua ʼxi ioio-phe oso a kà a bhikisa, nga kà a bhana kaxtiku, eme ngi Nzambi, o ki ki zubha o kubhita, a kà tunda mʼoxi omo, hé a kéza ku ngi sedivila bhu kididi kiki.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Afundixi 6:12

Anju ia Jihova anga i mu tukulukila, i mu ambela, ixi: Jihova uala ni eie, u dizonda dia nguzu.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.

Afundixi 6:17

Muene anga u mu ambela, uixi: Se nga sange kiadi bhu mesu mé, ngi bhane kijimbuete kuila eie muene u Jihova ua-lu zuela ni eme.

Afundixi 6:21

Bhenhobho anju ia Jihova u sunununa o dikoue dia mu kala bhu lukuaku luê, u tula o sungu iê ku xitu, ni ku jimbolo ja kambe kifulufulu kia kinanesa; bhu ndánji anga bhu fuáfua túbhia, ni xitu ni jimbolo anga ijokota; anju ia Jihova anga i mu jimbila ku mesu.

Afundixi 7:11

u ivue kioso kiala kuzuela; phala maku a ku kale kiua ni nguzu ia ku vubuka bhu kilombo. Muene anga u kulumuka, ni Pula kibese kié, hé a bhixila bhua suku jifundu ja alangidi a kilombo.

I Samuuele 14:10

Kia kèla-phe: Bhiẋilenu kunu; etu-phe tu a bhiẋila muene, kuma Jihova ua tu bhakuila-nâ bhu makuʼetu. Kienhiki kiene ki tu kala o kijimbuete.