Makatukilu 3:11 - O Mikanda Ikola

¹¹ Mozé anga u ambela Nzambi, uixi: Emiʼeme nanhi, Ngana, nga kàie kua Falaó, ni nga kà tundisa anʼa Izalaiele mu Ijitu?

Makatukilu 3:11 ပူးပေါင်းရင်းမြစ်များ

II Samuuele 7:18

Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

I Jisobha 3:7

Kiki-phe, u Jihova, Nzambi iami, ua ngi bhange eme ngi mulekiʼé, kukala sobha bhu kididi kia tatʼetu Davidi; eme-phe hanji ngi monʼauisu; ki ngejiia luua kioso ki ngi tunda, ni kioso ki ngi bokona.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

I Malunda 29:14

Mukonda eme-eme nanhi, o mundu uami ue à nanhi, ni tu kale ni kutena kua ku ku bhana ni vondadi o ima ia difu kiki? Mukonda o ima ioso i tunda kokué, etu ue tua i bhana bhu lukuaku luê.

Makatukilu 6:12

Mozé anga u zuela bhu pholo ia Jihova, uixi: Tala kuma anʼa Izalaiele ka mu ẋikina ku ngʼivua; Falaó-phe ua-nda ku ngʼivua kiebhi, ngi kiximba kia kuzuela?

Jelemiia 1:6

Eme bhenhobho ngixi: Èlé! Ngana Nzambi, tata! Talesa-ze, eme ki ngiʼjiia kuzuela; mbata ngala ngi mona-ndenge,

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

II Kolindo 3:5

Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

Afundixi 6:15

Muene anga u mu ambela, uixi: Ngana, tata, eme Izalaiele ngi mu kudila ni kima kiahi? O kibuka kia vumu dia tatʼetu, kiene kiala ndenge mu muiji ua Manasa, o mu bhata dia tatʼetu, eme-eme ngala ngi kasule kâ.

I Samuuele 18:18

Bhenhobho Davidi anga u ambela Saúlo, uixi: Eme-phe nanhi? O kikexilu kiami ngoho kiahi? Mba o familia ia tatʼetu akuahi mu Izalaiele, phala eme ngi kale lelu ngi holome ia muenexi?