Makatukilu 3:10 - O Mikanda Ikola

¹⁰ Ndoko-phe, eie-muene ngi ku katula mu ku ku tuma kua Falaó, phala u tundise mundu uami ua anʼa Izalaiele mu Ijitu.

Makatukilu 3:10 ပူးပေါင်းရင်းမြစ်များ

Dimatekenu 15:13

Muene anga u ambela Mbalamu, uixi: Ijiia na-kiu kiambote kuma, mbutu ié hádia a kà kala jinzuangiza mʼoxi iengi, ki iâ ene, a kala mu bhikila akuaʼxi koko; a kà kala mu ku a tatesa mu hama jiuana ja muvu.

Dimatekenu 15:14

Maji, eme ue, ki ia kà zubha o kubhita-phe, akuaʼxi ioio ala mu ku a bhikisa nga kà a bhesa kaxitiko, ene a kà tunda-mu ni jimbongo javulu.

Jisálamu 105:26

U katula Mozé, selevende iê ua mu tungula, kumoxi ni Alá a mu bhana kukala-nê.

Jisálamu 77:20

Mundu ué-phe ua endesa kala kilunga kia jimbudi, abidi muene Mozé ni Alá.

Makatukilu 12:40

Kala kiki mivu ia bhange anʼa Izalaiele mu Ijitu, hama jiuana ja muvu ni makuinhi atatu.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 33:12

Mozé anga u zuela ni Jihova, uixi: Ua mono, Eie ua ngʼambela, uixi: U bheka mundu iú ku ala kuia; maji kua ngi tangela uoso ua-nda ku mu tuma, ngenda-nê kumoxi. Maji Eie ua ngi tangela, kuma: U muthu nga ku ijiia o dijina; uixi dingi: Ua sange ngalasa ku mesu mami.

Makatukilu 33:13

Kiki-phe, nga ku diondo, se nga sange ngalasa ku mesu mé, ngʼidikize jinjila jé ja ku di tuma ni athu, phala ngʼijiie uendelu ué, ngi sange ngalasa ku mesu mé; ni u tongolole kuma muiji iú uene o mundu ué.

Makatukilu 6:26

Enʼiá-phe Alá ni Mozé, a ambela kuala Jihova, uixi: Mu katula anʼa Izalaiele mʼoxi ia Ijitu, ni ku a ta mu ilombo iâ.

Hozeia 12:13

Maji Jihova-phe ua tumine o polofeta iú ua tombola Izalaiele ku Ijitu, o ku lukuaku lua polofeta kuene kua kondekela jinga o mundu uê.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Jipoxolo 7:34

Nga tongolola muene o phaxi ia mundu uami mu Ijitu, ngevu o kukema kuâ. Eme nga tuluka mu ku a kudila. Kiki eie nganda ku ku tuma ku Ijitu.

Jipoxolo 7:36

Muene muthu ua katula anʼ a Izalaiele mu Ijitu, iú ua endesa jinjila, kia zubha kubhanga madiuanu ni isuma mu Ijitu, ni mu Kalunga Kakusuka, ni mu kikangalakata, mu makuinhi a uana a muvu.

Jipoxolo 7:6

Nzambi anga u mu tangela kiki, kuma: Mbutu ié a kà kala mu inhunginu mʼoxi iengi, kuenioko a kà a bhikisa, ni ku a bhanga phulu mu hâma jiuana ja mivu.

Jipoxolo 7:7

Nzambi anga uila dingi, uixi: Akua ʼxi ioio-phe oso a kà a bhikisa, nga kà a bhana kaxtiku, eme ngi Nzambi, o ki ki zubha o kubhita, a kà tunda mʼoxi omo, hé a kéza ku ngi sedivila bhu kididi kiki.

Afundixi 6:14

Bhenhobho Jihova anga u mu ila, sui, uixi: Ndeie mu uzonda uê uenhú, u kudile Izalaiele bhu lukuaku lua Midiiana; manhi ki eme muene nga ku tumu?

I Samuuele 12:6

Samuuele anga u ambela o mundu, uixi: Kiene-phe muene, Jihova a kale mbangi kuma muene ua sola Mozé ni Alá, iu ua katula o jitata jetu mʼoxi ia Ijito, iu ua a bheka kunu.

I Samuuele 12:8

Jakobo kioso kia kulumuka mu Ijito, akua Ijito a mu bhondeleka; jitata jenu anga ji dikola kua Jihova, Jihova kienʼokio u tuma Mozé ni Alá, hé a katula jitata jenu mu Ijito, anga a a bheka kutunga mʼoxi mumu.