Makatukilu 29:1 - O Mikanda Ikola

¹ O ki tokala ku a bhanga kienhiki, mu ku a lumbila phala ku ngi kalakela ku unganga: U kuata ngombe ia ndumbe ia kiubha, ni ilumbe iiadi ia jimbudi, ia kambe kunemana mba mabaka.

Makatukilu 29:1 ပူးပေါင်းရင်းမြစ်များ

II Malunda 13:9

Enu ki mu kaie o jinganga ja Jihova, anʼa Alá ni jilevita, enu mua di bhangela jinganga jenuʼe-nuenu, kala akua jixi jengi? Uoso-uoso uiza mu ku di lumba ni kamona ka ngombe ni sambuadi dia ilumbe ia jimbudi, kithangana kieneʼokio u di bhanga kiá nganga ia ió ki jinzambi ja kima.

Makatukilu 12:5

O mbudi iene i kala iadisanze sé ngó unema, ndumbe ia kiubha kimoxi; hé ku jimbudi mu katula, hé ku jihombo mu katula;

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 28:3

Ua kà zuelesa ue jimesene oso ejiia kiambote, nga undu ni uhete ku muxima, a kuate kutunga izuatu ia Alá, phala ku mu lumbila, mbé ende ni kubhanga o kikalakalu kiami kia unganga.

Makatukilu 28:41

O izuatu iii anga u i zuika kua phange ié Alá, ni anʼê, ni ku a unda ni maji, ni ku a lumba, ni ku a zelesa, mbé ende ni ku ngi kalakela ku unganga.

Makatukilu 29:21

U katula ue ku manhinga mala ku kalatódio, ni ku maji a kuuesa, u ma sangela kua Alá, ni ku izuatu iê, ni ku anʼê ni ku izuatu ia anʼê kumoxi ni muene.

Izekiiele 43:23

O Kalatódio ki uila ua zubha kiá o ku ka zelesa ku dibônzo, ua kà bhakuila-ku kangombe ka ndumbe ka kambe o dibaka, ni kilumbe kia mbudi, mu kilunga, ki ki moneka ue dibaka.

Ijila 14:11

O nganga uoso ua-nda ku mu ixika anga u bhakula o muthu iú ni ima ioso iii kua Jihova, bhu muelu ua Balaka ia kutakanena.

Ijila 16:3

Kiela ngi bokona-mu, a bokona ni ima iii: Ngalote ia ngombe ia kiubha, phala kiamenga kia kituxi, ni kilumbe kia mbudi, phala sata ia kubhakula ni túbhia kua Jihova.

Ijila 22:20

Kana kubhakula kima kiala ni kisemu, kiókio ki ki tena ku kusungila ujitu kua Nzambi, kuma ka ki ẋikina.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Ijila 6:13

O túbhia ku kalatódio tu uama jinga usuku ni muanha, ki tu jimi dingi.

Ijila 6:6

U bheka ujitu kua Jihova mu kuêla kuê, kilumbe kia mbudi kiadisanze kiambote sé ngó unema, eie-muène u ki mona se kia te kiasoko, anga u ki bhana kua nganga;

Ijila 7:35

Dienhidi diene o dikandâ dia Alá, diene ue o dikânda dia anʼê ku maujitu oso a kuohela Jihova, tunde mu kizuua kia a bhakula phala kubhanga o kikalakalu kia unganga ua Jihova.

Ijila 8:1

Jihova anga u ambela dingi Mozé, uixi:

Ijila 9:2

anga u ambela Alá, uixi: Kuata monʼa ngombe ia sata ia kituxi, ni kilumbe kia mbudi kia sata ia kuoha, ia di sanze kiambote sé ngó unema u i satele Jihova.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.