Makatukilu 28:9 - O Mikanda Ikola

⁹ U katula ue ni matadi aiadi a sardónika, anga a seta-ku o majina moso ma anʼa Izalaiele;

Makatukilu 28:9 ပူးပေါင်းရင်းမြစ်များ

Dimatekenu 2:12

O ulu ua ixi ienhoio ua uabha muene, sai ue ni bidélio ni ditadi dia sardónika.

I Malunda 29:2

Eme-phe, ni nguzu iami ioso, nga iudika kiá phala inzo ia Nzambi iami, ulu phala ikalakalu ia ulu, phalalata, phala o ikalakalu ia phalata, kobidi, phala o ikalakalu ia kobidi, ni felu, phala o ikalakalu ia felu, ni miẋi ia thungu, ni matadi a saldonika, ni matadi osete, ni matadi a kusokejeka, ni matadi oso a fina, ni matadi a nzungule a málmole.

II Malunda 2:7

Kindala-phe ngi tumikise muthu kunu, uejiia, u tena kukalakala ku ulu, ni ku phalata, ni ku ngòndo, ni ku utadi ua felu, ni ku púlupula, ni ku ima i kusuka ni ia azulu; uejiia kukalakala ni kisetelu kumoxi ni iá ejiia ala mua Juda ni Jeluzaleme, oso kiá alungile tatʼetu Davidi.

Jobe 28:16

O ku ta kuê ki ku xikina ku ku sokesa ni ulu ua fina ua Ofidi, mba o matadi a te kiavulu a onixe, mba a safídia.

Makatukilu 25:7

ni matadi ma sardonika, ni matadi ma mukuá ma kusokeka ku efodi ni ku kixita-thulu.

Makatukilu 28:10

majina masamanu a kala ku ditadi dimoxi, o majina masamanu ma xala-ku ma kala ku ditadi diamukuá, kala kioso kia a vuala ku iubha iâ.

Makatukilu 28:20

mukalatata ua kauana u ambata, ni turkeza, ni sardónika, ni jaspe; ene oso a ma sokeka mu makuatelu ma ulu.

Makatukilu 28:36

U iudika ue ni kítandu kia ulu ua fina, anga u setela-ku, mukua ni kuseta kua sineta: Kuzela Kukola Kua Jihova.

Makatukilu 28:8

O phonda iê iuabha, phala ku i kutila ku mukutu, i kale iene imoxi ni efodi iene, ki i di kalela, kana; a i iudika ni ulu, ni azulu, ni pulúpula, ni kalumezim, ni linhu ia fina iòuinde.

Makatukilu 31:5

Ni kuseta matadi a kusokeka, ni kusonga miẋi, ni ufunu uoso muene ua kuiudika.

Makatukilu 39:13

ua kauana uambata turkeza, ni sardónika, ni jaspe; ene oso a a sokeka mu makuatelu ma ulu.

Makatukilu 39:6

Anga a iudika matadi ma onixe a a sokeka mu makuatelu a ulu, a a seta kala ki ene kuseta o sineta, a seta-ku o majina ma anʼa Izalaiele.

Mukumbi ua Mikumbi 8:6

Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.

Izaía 49:16

Talesa, nga ku soneka bhu mákanda a maku mami; o imbaka ié ia ngi kala ku mesu usuku ni muanha.

Izekiiele 28:13

Ua kexile mu Edene; mu kadíbhia ka Nzambi; o matadi oso a phelu ia nzaji ene a kexile o divunga dié, ni saladonha, ni topáziu, ni diiamande, ni tulukeza, ni onixe, ni jaxpe, ni safídia, ni kalubúngulu, ni jimelada, ni ulu; o kikalakalu kia ngoma jé, ni mbendu jé, kia kexi momuʼé-muène; bhu kumbi dia ku bhangele, kiene ue kia ji iudikile.

Zakadiia 9:16

Bhu kizuuʼokio Jihova Nzambi iâ ua-nda kubhulula o mundu uê, mukua ni kilunga kia jimbudi jê; mbata ene mu ngongo a kà benha kala matadi a kitundu ala ku lekujuka mu ixi iê.