Makatukilu 28:43 - O Mikanda Ikola

⁴³ a ji zuata ni Alá ni anʼê, kioso ki aia mu balaka ia kutakanena, mba ki a zukama ku kalatódio mu bhanga unganga uâ mu kididi kikôla; phala ka bonge kuêla nʼa fue; ki kala kijila ku thembu joso, ni kua muene ni ku mbutu iê hádia i mu bhingana.

Makatukilu 28:43 ပူးပေါင်းရင်းမြစ်များ

Makatukilu 20:26

Kana kubandela ku matala ku kalatódio kami, phala o tuẋi ié ki i di dʼikize kuenhoko.

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Makatukilu 30:21

Bhenhobho a di sukule maku mâ ni inama phala ka fue; ki kale kijila kiâ ku thembu joso, ni muene ni mbutu iê ia kà mu bhingana katé bhuoso bhua kà suka miji iâ.

Izekiiele 44:17

Anga kia kà kala-phe kiki, kuila kioso ene kia bokuena bhu mielu ia lumbu lua moxi, a kà zuata izuatu ia linhu; o lá ka kà i ta ku mikutu iâ, kioso ene kia kà kala mu kubhikila bhu mielu ia lumbu lua moxi, mʼoxiʼaʼnzu.

Ijila 16:13

A lalumuine o uasu ua dizumba bhu makala a túbhia, bhu pholo ia Jihova, phala o ifuke ia uasu ua dizumba ki ienda ni kutukumuka, ivungine o kibhuna kia kiadi, kiala ku thandu dia alaka ia umbangi phala i muene ka fue.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Ijila 22:15

Mu a bhanga jinga kienhiki, kifua-phe mua lengesa o mundu phala kʼende ni kukasanesa o ima ikôla ia anʼa Izalaiele, ioso ia bhakula kua Jihova.

Ijila 22:9

A kale mu kualuka jinga o ijiia iami, phala ka balumune-ku kituxi kuthandu diâ, anga a bhitukila-ku o muenhu uâ, kia-nda kuila o ijiia a i lutu kiá; Eme Jihova, ngene ku mi kôlesa.

Ijila 3:17

Ki kala kijila kienu ki xalela ku izuua ioso, ku miji ienu ioso, ku mabhata menu oso; ki mu die jinge banha mba manhinga.

Ijila 5:1

Se muthu u ta kituxi kia kuila dízui dia kuta hasa ua dʼivu, o muene mbangi, kuma sai kia mono ki ejiia, maji u di xibhê hé u kamba ku dijimbula, uala ni kuêla kua dikota, ka lungu.

Ijila 5:17

Se muthu u ta kituxi, u bhanga kima kioso-kioso ku ima ia kidika Jihova kuila kana ku i bhanga; né muene ka kʼijiia, hanji u kala ni kuêla, o kikuma kiê uenda na-kiu, ka tena kulunga.

Dialuilu 15:15

Kima kia ngonge, ni enu ni nzuangiza muala-nê, kijila kiene kimoxi, kijila ki nanganena, ku miji ienu ioso; ki mualʼenu, kiala o nzuángiza, bhu pholo ia Jihova.

Dialuilu 18:22

O anʼa Izalaiele-phe ki mungu dingi a zukama ku balaka ia kutakanena, phala o kituxi ka kiambate ku thandu diâ hé a fua.

Dialuilu 18:32

Kala kiki, ki mu kala ni kituxi, se ku iene mu dianga kiá o kubhakula-ku ioso ia beta o kuiuka; o ima-phe ikôla ia ngi lumbila anʼa Izalaiele kana ku i sebulula phala ki mu fue.

Dialuilu 18:8

Jihova anga uambela dingi Alá, uixi: Tala-phe, kuma eme nga ku bhakuila o kilangidilu kia maujitu ami oso a kuzangumuna, kumoxi kiá ni ima ioso ikôla ia anʼa Izalaiele; mukonda dia ku ku unda ni maji, nga ku bhana na-iu eie ni anʼê, mu kijila ki nangenena katé ku hádia ni hádia.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.