Makatukilu 28:4 - O Mikanda Ikola

⁴ O izuatu-phe ia ka iudika, ienhiʼii: Ni kixita-thulu ni efodi, ni mbinza, ni divunga dia makembu, ni kijinga, ni phonda; a kà iudika izuatu ia kuzela ni kuiuka phala phange ié Alá ni anʼê a mala, phala a ngi kalakele ku unganga.

Makatukilu 28:4 ပူးပေါင်းရင်းမြစ်များ

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

Makatukilu 25:7

ni matadi ma sardonika, ni matadi ma mukuá ma kusokeka ku efodi ni ku kixita-thulu.

Makatukilu 29:6

U mu ta kijinga ku mútue, ni kitundu kikôla ki bhita ku thandu dia kijinga.

Makatukilu 39:28

ni kijinga kia linhu ia fina, ni jiboné ja uabha ja linhu ia fina, ni jikalasá ja linhu ia fina iòuinde.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Izaía 59:17

Kuma ua zakela kulúnga kala kivunga-thulu kia ita, o ku mútue ua zuata kapasete ka kubhuluka, iu ua zuata izuatu ia phonzo, ua di vungu o kuzokela kua difuba kala dibeka.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Efezo 6:14

Uila kiki, di fikidilienu-phe. Bhu kinhonga mu di kuta o kidi kala phonda. Zakelenu o kivunga-thulu kia kuiuka,

I Tesalonika 5:8

Etu-phe tua tokala ku muanha, tu kadienu ku mesu azele. O kivunga-thulu kia ita ki tu zuata, o kuxikana ni henda; o kudielela o kubhuluka, kene o kapasete.

Dijingunuinu 9:17

O mu kisuma kiami, nga mono kienhiki o jikabalu ni athu a ji mondala. A zakela ivunga-thulu ia di fuangana kala túbhia mu kukusuka, ni ku tadi dia azulu, ni kuzeluluka kala xofidi. O mítue ia jikabalu iedi kala mítue ia jihoji, o mu kanu diâ mu fuafua túbhia, ni dixi ni xofidi.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.

I Samuuele 23:6

Kioso-phe kia lenge Abiiatale, monʼa Ahimeleke, anga u sanga Davidi ku Keila, uejiia kumoxi, ni efodi ia kuata bhu lukuaku.

I Samuuele 30:7

Davidi anga u ambela nganga Abiiatale, monʼa Ahimeleke, uixi: Nga ku diondo, efodi ngi bhekele-iu kunu. Abiiatale anga u bheka efodi kua Davidi.