29 Kienhokio-phe Alá, kioso kia kà bokona mu kididi kikôla, majina ma anʼa Izalaiele ua a ambatela ku muxila ua kuzambuila bhu thulu iê, phala dilembalelu bhu pholo ia Jihova izuua ioso.
Matadi maiadi enhá, anga a ma jika ku jifita ja efodi ji bhita bhu isuxi, phala a kale matadi ma dilembalelu dia anʼa Izalaiele; Alá ki aia jinga bhu pholo ia Jihova, u ambata majina mâ bhu isuxi iê iiadi, phala Ngana a a te muxima.
U iudika ue ni muxila ua kuzambuila, ufunu ua mesene ia mulongo u bhita-bhu; ufunu uê u kala uene umoxi ni ua efodi; u u iudika ni ulu, ni azulu, ni pulúpula, ni kalumezim, ni linhu ia fina iòuinde, kiene ki u u bhanga.
O muxila-phe ni malenge mê ma bhoxi, ni malenge mala ku efodi, a ma kutila kumoxi ni ngoji ia azulu ku thandu, phala muxila u tule ku phonda ia makembu iala ku efodi, o muxila u kuatenena ku efodi, kuene ku u kala, nuka dingi u tunda-ku.
O moxi dia muxila ua kuzambuila u ta-mu ue Udimi ni Tumimi, i kale bhu thulu ia Alá kioso kia kà bokona kua Jihova; Alá kifua uambata jinga bhu thulu iê mu thembu joso o hasa ia anʼa Izalaiele bhu pholo ia Jihova.
Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.
Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.