Makatukilu 28:2 - O Mikanda Ikola

² Ua kà iudika izuatu ia kuzela ni kuiuka phala phange ié Alá, izuatu ia kuuabha ni kukemba.

Makatukilu 28:2 ပူးပေါင်းရင်းမြစ်များ

Jobe 40:10

Di kembese-phe ni matunda ni unéne; di zuike ungana ni fuma.

Jisálamu 132:16

Jinganga jê ngi ji zuika kubhanduluka; akua bhata momo, a zanzuka, ni kusanguluka!

Jisálamu 132:9

Jinganga jé ji zuate kukumbidila ni kubatula mu kidi, o athu é angene a sanzuke ni kusanguluka.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 96:6

Ni ujitu ni ungana a mu kala bhu pholo iê; ni nguzu ni kuuabha kuala mu kididi kiê kiangene.

Makatukilu 28:40

Anʼa Alá ue u a iudikila ni mavunga, ni jiphonda, ni ijinga, u i iudika ue i kale ia fuma ni makembu.

Makatukilu 29:28

Di kala diene o dikânda dia Alá ni anʼê, kuila kiâ ku anʼa Izalaiele ku thembu joso, dikânda dia kunomona, kuma a i nomona ku jisata ja paze ja bheka anʼa Izalaiele kua Jihova; ujitu uangene ua Jihova, kuma uene ujitu ua bheka anʼa Izalaiele kua Jihova.

Makatukilu 31:10

ni izuatu ia kutunga uhete, izuatu ikola ia Alá ia unganga, ni izuatu ia anʼê, ia kusedevila ku unganga,

Makatukilu 40:13

Alá anga u mu zuika ni izuatu ikola, anga u mʼunda ni maji, u mu kôlese, phala a tene ku ngi kalakela ku unganga.

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Ijila 8:30

Mozé anga u tambula ku maji a kuundila, ni ku manhinga ala ku kalatódio, ua sangela kua Alá, ni ku izuatu iê, ni ku anʼê kumoxi ni izuatu iâ anga u kôlesa Alá ni izuatu iê, kumoxi ni anʼê, ni izuatu iâ.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

Ngalásia 3:27

Kuma oso mudienu a mi batizala mu dijina dia Kristu, mua zuata kiá o kikexilu kia muène Kristu.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

II Phetele 1:17

Kuma etu bhene bhu tua kexile, kia tambuile kua Nzambi, Tata, ujitu ni fuma. Dizui dia tundile mu kubenha kua Dikota, anga di mu tumbula, dixi: Muenhú Monʼami nga mu zola, uene mu ku ngi sangulukisa kiavulu.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.