Makatukilu 27:9 - O Mikanda Ikola

⁹ U iudika ue ni kithâdi kia balaka; ku mbandu iê ia mediia ku sulu, o kithâdi ki kala ni jikulutina ja linhu ia fina iòuinde, mbandu imoxi i kala hama ia kôvadu mu kulebha.

Makatukilu 27:9 ပူးပေါင်းရင်းမြစ်များ

I Jisobha 6:36

O lumbu lua moxi ua-lu tungisa ni mikalatata itatu ia matadi osete kiambote, ni mukalatata umoxi ua mukambu ua muxi ua sédulu.

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

II Malunda 33:5

O kifuxi kioso kia diulu anga u ki tungila jikalatódio, mu malumbu mene ma iadi ma inzu ia Jihova.

II Malunda 4:9

Ua bhange dingi lumbu lua jinganga ni lumbu lua dikota, o mikangala ia mabhitu ma lumbu ni mabhitu ene, ua a te kobidi.

Jisálamu 100:4

Bokuenenu bhu mabhitu mê ni kusakidila, mu tule mu malumbu mê ni mimbu ia kuximana; ximanenu ni ku tumbula o dijina diê,

Jisálamu 116:19

Mu lumbu lua inzo iangene ia Jihova, mu kaẋi ké eie, u Jeluzaleme. Ximanenu Jihova.

Jisálamu 84:10

Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Makatukilu 27:10

O jiphiladi jê ue ji kala makuinhi aiadi, ni ibaka iê makuinhi aiadi, ia ngôndo ioso; ni jingôua ja kunhengena jikulutina, ni jiphidika ja philadi, ji kale ja phalata.

Makatukilu 35:17

ni jikulutina ja kithâdi, ni jiphiladi jê, ni ibaka iê ni dibeka dia muelu ua kithâdi;

Makatukilu 36:17

Anga u iudika makuinhi atanu a mazanzu ku muhuhu ua suku ku kanga ku thanga imoxi, ni makuinhi atanu a mazanzu ku muhuhu ua suku ku kanga ku thanga ia mukuá.

Makatukilu 39:40

ni jikulutina ja kithâdi, ni jiphiladi jê, ni ibaka iê, ni dibeka dia kuxita bhu muelu ua kithâdi, ni mikolo iê, ni jiphapha jê, ni imbamba ioso ia sedivisu ia balaka, ku balaka ia kutakanena;

Makatukilu 40:33

O mu kuzumbukila anga u imika ue o kithâdi kia bhake o balaka ni kalatódio mu kaẋi, u nhenga o dibeka dia muelu ua kithâdi; kienhiki Mozé kia bhange o kikalakalu kioso, iu ua ki zubha.

Makatukilu 40:8

U imika ue kithâdi ki kondoloka, hé u nhenga ue dibeka dia kuxita bhu muelu ua kithâdi.

Izekiiele 40:14

Anga u zonga ue o dikanga katé ku jiphiladi, makuinhi a samanu a kóvadu, o lumbu hé lu di tandeleka katé ku jiphiladi ja kondoloka o muelu.

Izekiiele 40:17

Muene anga u ngi bheka mu lumbu lua kanga; ki nga tale, muala maxilu, o dikanga mu lumbu diòludike kiambote ku mbandu joso; o dikanga didi a di kondoloka kuala makuinhi a tatu a maxilu osuʼâ.

Izekiiele 40:20

O kuiza ku muelu ua talela ku njila ia Kusuku mu lumbu lua kanga, muene ue ua zongo-mo o kulebha kuê ni kuzanza kuê.

Izekiiele 40:23

O muelu ua lumbu lua moxi ua di lulamene ni muelu ua kusuku ni ua Mutundila-kumbi; o kia zongo bhu muelu ni muelu ua mukuá, bhua tena hamʼa kóvadu.

Izekiiele 40:28

Kinhókio anga u ngi bokuesa mu lumbu lua moxi bhu muelu ua Sulu; anga u zonga ue o muelu ua Sulu, mu izongelu ienhiʼii kiá.

Izekiiele 40:32

Anga u ngi bheka dingi mu lumbu lua moxi, ku mbandu ia mutundila-kumbi, anga u zonga ue o muelu kala kia mu bhanga mu izongelu ienhiʼii.

Izekiiele 40:44

O ku kanga dia muelu ua moxi, kuene kua kexile o maxilu a jingimba, mu lumbu lua moxi, lua kexile ku mbandu ia muelu ua Kusuku, lú lua talela ku njila ia uombe; xilu dia mukuá dia kexile ku mbandu ia muelu ua thunda, di dia talela ku njila ia Kusuku.

Izekiiele 42:3

Ku pholo ia makuinhi aiadi a kóvadu, a tokalele ku lumbu lua moxi, kua lulama ni dikanga dia lumbu lua kanga, kua kexile inzu ia matala a tatu.

Dialuilu 3:26

Ni jikultina ja lumbu, ni dibeka dia kuxita bhu muelu ua lumbu, muala balaka ni kalatódio, ni mikolo iê ioso ia tokala-ku.

Dialuilu 4:26

ni jikulutina ja lumbu, ni dibeka dia muelu ua lumbu lua kondoloka balaka ni kalatódio i kala mu kaẋi, ni mikolo iê, ni ingolongondo ia kikalakalu kiê kioso kia tokala ku ki bhanga ku ima ioso iii, ene kiene o kikalakalu kiâ.

Dialuilu 4:32

ni jiphiladi ja lumbu lua kondoloka, ni ibaka iê, ni jiphapha, ni mikolo, ni ingolongondo ioso ia tokala ku kikalakalu kiê; mu a uanena muthu ni muthu ni kimbamba kiê.