Makatukilu 27:3 - O Mikanda Ikola

³ U iudika ue ni jímbia jê ja kuambatela o utókua, ni jipá jê ni jimbasinha, ni jingalufu, ni iomuenu ia kuambatela o makala a túbhia; iselengenhe iê ioso iii, i kala ia ngôndo.

Makatukilu 27:3 ပူးပေါင်းရင်းမြစ်များ

I Jisobha 7:40

Kia zubha kubhanga ima ioso iii, Hilamu ubhanga dingi o jímbia ja makota ni jipá ni malonga a menha a pholo. Kienhiki Hilamu ua zubha kubhanga o kikalakalu kioso kia mu tumu sobha Solomá phala o inzo ia Jihova.

I Jisobha 7:45

Ni jímbia ja makota ni jipá, ni malonga a menhʼa pholo ni ingolongondo ioso kiá Hilamu ia bhange phala sobha Solomá, mbé o inzo ia Jihova. Ima ioso ienhiʼii ua i bhange ia utadi ua ngondo ia kenzuluka kiambote.

I Jisobha 7:50

Ni jikopho, ni ijiminu, ni malonga a menha a pholo ni itutu phala o uasu ua dizumba, ni iomuenu ia makala, iene ioso ia ulu ua beta kuiuka; ni jidobaladisa ja mabhitu a kubokuena mu Xilu Dikola kinéne, ni mabhitu a kubokuena mu Kididi Kikôla kia Tembulu, ene oso a ulu ua uabha kiavulu.

II Jisobha 25:14

O jímbia ni jipá ni ijiminu ni jikingutu ni itutu ioso ia kobidi ia kexile mu kubhangela ukunji, aii na-iu ue.

II Jisobha 25:15

O Kabhitangu ka kilangidilu uambata ue ni iomuenu ia makala, ni malonga a menha a pholo, ni ima ioso kiá ia kexile ia ulu, ulu ua dikenze, ni ia phalata mu phalata.

I Malunda 28:17

Ni ulu ua fina phala o jingalafi, ni phala ue malonga a menha a pholo, ni matijela, ni jikopho ja ulu; o kopho ni kopho ni kunema kuê, kiene ue kimoxi ni jikopho ja phalata, kala kopho ni kunema kuê.

II Malunda 4:11

O Hilamu ue anga u bhanga jímbia, ni jipá, ni malonga a menha a pholo; kienʼiki Hilamu anga u zubha kubhanga kikalakalu kioso, kia kexile mu kubhangela sobha Solomá, phala inzu ia Nzambi.

II Malunda 4:16

Kiene kimoxi ni masanga ni jipá, ni inhangenu ni itabhu ioso ia tokala, ia kobidi iòzunze, Hilamu dia Abihu ia bhangelele sobha Solomá phala inzu ia Jihova.

Makatukilu 24:6

Mozé anga u tambula mbandu ia mukuá ia manhinga, u ma ta bhu jimbasinha, o mbandu ia mukuá u i sangela ku kalatódio.

Makatukilu 27:19

O ku imbamba ioso ia tokala mu balaka, ni mu ikalakalu ioso ia ku i ximbika, ni jiphapha jê, ni jiphapha ja kithâdi, ji kala ja ngôndo.

Makatukilu 27:2

U iudika ni jimbinga ji kala bhu jithungi jê jiuana, ji kuatenena koko, ki ji ẋikina ku ji katula-ku; kene koso anga u ka xiia ngôndo.

Makatukilu 27:4

U iudika ue ni kiseselu kia ngôndo kila kala uanda; o ku jithungi jê jiuana u iudikila-ku malenge mauana.

Makatukilu 38:3

Ua iudika ue ni imbamba ioso ia tokala ku kalatódio, ni iomuenu ia kuomuena o uthôkua, ni jipá jê, ni jimbasinha, ni jingalufu ja kukuatela xitu, ni malumbala a kuambatela o túbhia; imbamba ioso iii ua i iudika ni ngôndo.

Ijila 16:12

A kuate ue o kiómuenu kiezala ni makala ma uama, matundu ku kalatódiko, kua Jihova, o bhu maku uvuota mabhubhu ma iadi ma uasu ua dizumba dinuha kiambote, uótuzale, a bokone-na-u mu ʼxilu dia mvéu.

Dialuilu 4:14

a ta ku thandu diê imbamba iê ioso iene kukalakela na-iu ku kalatódio, ni iomuenu ia kuambatela túbhia, ni jingouele ja kukuata xitu, ni jipá ni jimbasinha, imbamba iê ioso kiá; anga a ta-ku divunga dia ibha ia njimbu, hé a ta-ku ni mikambu iê.