Makatukilu 27:21 - O Mikanda Ikola

²¹ O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Makatukilu 27:21 ပူးပေါင်းရင်းမြစ်များ

Dimatekenu 1:5

Nzambi anga u luka kuma kua zele, uixi: Kúkia, o kuma kua vundu u luka-ku, uixi: Usuku. Bhenho-bho bhua bhiti ngoloxi ni kimene, o kizuua kia dianga.

Dimatekenu 1:8

O muthandu ua bhiti mu dinga-ni-dinga, Nzambi anga u u ixana kuma Diulu. Bhenhobho bhua bhiti ngoloxi ni kimene, kizuua kia kaiadi.

II Malunda 13:11

Ala mu kuohela Jihova, imene ioso ni ngoloxi joso, sata ja kubhakula ni túbhia kua Jihova, ni uasu ua dizumba, ni kutula kiambote ku meza ma zele o jimbolo ja kutela, ni di tudilu dia jikandeia dia ulu ni jikandeia jê, mbé o ku ji uika mu ngoloxi joso, mukonda etu tuala ni muanu ua kikalakalu kia Jihova, Nzambi ietu; maji enu-phe mua mu xi.

Jisálamu 134:1

Kiókole! Benzelenu Jihova enu oso mu jiselevende ja Jihova, muene mu kuimana mauusuku moso, monzo ia Jihova.

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 16:34

Kala Jihova kia tumu kua Mozé, kiene ue Alá kia i bhake bhu pholo ia Umbangi, iú ua i lundu.

Makatukilu 25:16

O moxi dia álaka u ta-mu umbangi uoso u nga-nda ku ku bhana.

Makatukilu 28:43

a ji zuata ni Alá ni anʼê, kioso ki aia mu balaka ia kutakanena, mba ki a zukama ku kalatódio mu bhanga unganga uâ mu kididi kikôla; phala ka bonge kuêla nʼa fue; ki kala kijila ku thembu joso, ni kua muene ni ku mbutu iê hádia i mu bhingana.

Makatukilu 29:28

Di kala diene o dikânda dia Alá ni anʼê, kuila kiâ ku anʼa Izalaiele ku thembu joso, dikânda dia kunomona, kuma a i nomona ku jisata ja paze ja bheka anʼa Izalaiele kua Jihova; ujitu uangene ua Jihova, kuma uene ujitu ua bheka anʼa Izalaiele kua Jihova.

Makatukilu 29:42

Sata iii ia kuoha izuua ioso, mu ngi satela jinga na-iu ku miji ienu ioso, sé kumoneka bhu ia suku, bhu muelu ua balaka ia kutakanena bhu pholo ia Jihova, bhene bhu tu takanena jinga, bhene bhu ngi mi zuelesela.

Makatukilu 29:44

Anga ngi kôlesa ue ni balaka ia kutakanena, ni kalatódio; o Alá ue ni anʼê ngʼa kôlesa ue phala ku ngi kalakela ku unganga.

Makatukilu 30:21

Bhenhobho a di sukule maku mâ ni inama phala ka fue; ki kale kijila kiâ ku thembu joso, ni muene ni mbutu iê ia kà mu bhingana katé bhuoso bhua kà suka miji iâ.

Makatukilu 30:36

Mbandu ia mukuá u i zuka, i kala fufutila, anga u i bhaka bhu pholo ia umbangi mu balaka ia kutakanena, bhene bhu ngi takanena jinga ni eie.

Makatukilu 30:8

Ni kioso kia uika ue o jikandeia mu ngoloxi, kuila mixinda ia maku ia jimi kiá, uoha uasu ua dizumba; o mu kubhanga kiki, bhu pholo ia Jihova bhu kala jinga uasu ua dizumba ku miji ienu ioso, katé ku hádia ni hádia.

Makatukilu 40:3

U ta muenhomo álaka ia umbangi, álaka anga u i xitila ni kibatulu.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Ijila 16:34

O kienhiki ki kale-phe kijila kienu ki nangenena muende ni ku bhanga jinga kiamenga kia kulàmba o ituxi ioso ia anʼa Izalaiele, ku muvu mu ki bhanga jinga lumoxi. Alá iú ua ki bhange kala kia tumine Jihova kua Mozé.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Ijila 23:14

Ki mu die-ku-phe luua mbolo, mba masa ma kuoha, mba mafelesuku, mu kinga katé mu kizuua ki mu bheka ujitu kua Nzambi ienu; kijila kiki kixalela katé ku miji ienu, mu madiembu menu moso-lolo.

Ijila 23:21

Mu kizuua kienhokio-phe mu xika ngonge kuamba tua-nda kukala ni kionge kikôla ki bhu kale midimu ia kima kioso-kioso; kiki kijila kixialela katé ku miiji ienu, mu madiembu menu moso-lolo.

Ijila 24:2

Tuma anʼa Izalaiele a ku bhekele maji ma midiva, ma di kenze kiambote, mobatele, phala o kimuikinu, mbé o kuuika o jikandeia mu ʼthembu joso-lolo.

Ijila 24:3

Alá muene uenda ni ku ji ta kiambote mu ididi iê ku monôno, mu kolôlo ku kanga kunu dia kibatulu kia mvéu kia luluma ni umbangi, mu Balaka ia kutakanena, ji kale jinge bhu pholo ia Jihova mu bambuka kimuanu, tunde mu ngoloxi katé kuáki; ki kale kijila ki xialela ku miiji ienu.

Ijila 24:9

I kale-phe mbolo iangene ia Alá ni anʼê, ende ni ku i dila bhu kididi kikôla, mbata kima kiakolela-ku phala muene, kia tundu ku ma-ujitu ma kubhakula ni túbhia kua Jihova, kikale kijila ki nangenena katé ku hádia ni hádia.

Ijila 3:17

Ki kala kijila kienu ki xalela ku izuua ioso, ku miji ienu ioso, ku mabhata menu oso; ki mu die jinge banha mba manhinga.

Ijila 3:8

a tule lukuaku luê mu mútue ua kibhaku, a ki jibhile bhu muelu ua balaka ia kutakanena; o jinganga anʼa Alá anga eẋike o manhinga mê mu jimbandu joso ja kalatódio.

Ijila 6:15

Umoxi mudiâ anga u katula-ku dibhûbhu diê ku fuba ia uabha kiambote ia mubhaku ua musa, ni ku maji u katula-ku, o uasu ua dizumba uene uoso ua bhana ku mubhaku ua musa u u ta koko, anga u i ohela ku kalatódio mu bhanga dizumba diambote, kifua ujitu ua kulembalesa ua dizumba dia mbote kua Jihova.

Ijila 7:36

Kuma mu kizuua kia a undu ni maji, Jihova kiene kiambela anʼa Izalaiele kuila ende ni ku a bhana; kikala kijila kiâ ku miji ioso katé ku hádia ni hádia.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Dialuilu 18:23

Maji o jilevita ene a bhanga jinga o ukunji ua kikalakalu kia balaka ia kutakanena, o itondalu iâ ioso ia bhanga, ene kiá a ebhula; ki mi kale kijila ku miji ienu ioso katé ku hádia ni hádia; o muʼaxaxi ka ana Izalaiele ene uâ ka kala-mu ni undundu ua kima.

Dialuilu 18:5

Enu-phe kiá, enu mua kà bhanga o kilangidilu kia dibhezelu ni kilangidilu kia kalatódio; mbebhu ki kuize dingi njinda lua mukuá ku thandu dia ana a Izalaiele.

Dialuilu 19:21

Kienhiki ki kala kijila kiâ ki nangenena; o uoso u sangela o menha a dibônzo, u sukula o izuatu iê; o uoso u kuata ku menha a dibônzo, u kasana katé mu ngoloxi.

Dialuilu 35:29

Maka iá a kale ngonge ienu ia kufundisila, ku miji ienu ioso, ku mabhata menu moso.

Dialuilu 8:9

Jilevita anga a a bheka bhu muelu ua balaka ia kutakanena; anga u bhongolola kifuẋi kioso kia Izalaiele;

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Luka 12:35

Ngana Jezú anga ua ambela dingi uixi: Di iudikienu, mbé ioso iambe kuiza i mi sange mua di lungu. Bholenu o phonda mu mbunda, uikenu o jikandeia jenu.

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

I Samuuele 3:3

kioso kandeia ka Nzambi kiluua ka jima, Samuuele-phe ua zeka kiá bhu kididi kiê mu tembulu ia Jihova, bhuala álaka ia Nzambi;

I Samuuele 30:25

Tunde-phe kizuua kienhókio muene, kia ki zuela Davidi, kia di bhange kijila kiâ ni kifua kiâ mu Izalaiele, katé mu kizuua kia lelu.