Makatukilu 27:2 - O Mikanda Ikola

² U iudika ni jimbinga ji kala bhu jithungi jê jiuana, ji kuatenena koko, ki ji ẋikina ku ji katula-ku; kene koso anga u ka xiia ngôndo.

Makatukilu 27:2 ပူးပေါင်းရင်းမြစ်များ

I Jisobha 1:50

Adoniia muene u kala ue ni uoma mukonda dia Solomá; anga u tunda-bhu, uia u kuata ku jimbinga ja kalatódio.

I Jisobha 2:28

Kiene kioso kia bhiti anga a ki tudila Jouabe; kuma Jouabe ua diangukile mu kaiela ku kunda dia Adoniia, sumbala a kambele kudianguka mu kukaiela Abisalone. Jouabe anga u lengela mu Balaka ia Jihova, hé u kuata ku jimbinga ja kalatódio.

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

II Jisobha 16:14

Maji o Kalatódio ka utadi ua Kobidi ka kexile bhu pholo ia Jihova, ua ka katula ku pholo iaʼnzu, bhu kaẋi ni inzu ia Jihova ni Kalatódio ka iudika muene iú ua ka tula bhu mbanduʼa Kalatódio kê-muène, ku mbandu ia kusuku.

II Malunda 4:1

Anga u bhanga ue Kalatódio ka utadi, ka makuinhi aiadi a kóvadu mu kulebha, ni makuinhi aiadi a kóvadu mu kuzanza, ni kuinhi dia kóvadu mu kitala.

Jisálamu 118:27

Jihova muene Nzambi ietu, ua tu bhana o mukengeji; sata ia fesa kutenu-iu mikolo, mu i bheke katé bhu jimbinga ja kalatódio.

Makatukilu 27:3

U iudika ue ni jímbia jê ja kuambatela o utókua, ni jipá jê ni jimbasinha, ni jingalufu, ni iomuenu ia kuambatela o makala a túbhia; iselengenhe iê ioso iii, i kala ia ngôndo.

Makatukilu 29:12

Anga u tambula-ku ku manhinga ma ngombe, ni u te ni mulembu ué ku jimbinga ja kalatódio, a mukuá oso u a eẋika bhoxi dia kalatódio.

Makatukilu 38:30

Ngôndo iii iene ia iudikila ibaka ia muelu ua balaka ia kutakanena, ni kalatódio ka ngôndo, ni ngalade iê ia ngôndo iedi kala uanda, ni imbamba ioso ia tokala ku kalatódio.

Izekiiele 43:15

O Halèle i kala ia kóvadu jiuana; o ku tunda mu Adiiele katé bhulu, muene mua kà sabhuka jimbinga jiuana, ji di leka bhulu.

Ijila 16:18

A tunde-phe kiá, aie ue ku kalatódio, kala bhu plolo ia Jihova, anga u ka bhangela ue o kiamenga. Ukatula ku manhinga ma ngalote ni ku manhinga ma kisutu, anga u ma sangela ku jisungu ja kalatódio, kondoluese takane mu jimbandu jê joso.

Ijila 4:18

Ku manhinga enhó ue u ta-ku ku jimbinga ja kalatódio kala bhu pholo ia Jihova, mu balaka ia ditakanenu; o manhinga ma mukuá moso ma subhuka-ku u a eẋikila bhoxi dia kalatódio ka jisata ja kuoha, mu kithâdi bhu mbandu ia muelu ua balaka ia dibhongolokelu.

Ijila 4:25

Bhenhobho o nganga, ni mulembu uê, a katule ku manhinga ma sata ia kituxi, a te ku jimbinga ja kalatódio ka jisata ja kuoha; o manhinga oso a subhuka-ku u a eẋikila bhu kikota kia kalatódio ka jisata ja kuoha.

Ijila 4:7

Nganga u ta ue o manhinga ku jimbinga ja kalatódio ka uasu ua uabha o dizumba, bhu pholo ia Jihova, kala mu balaka ia kutakanena; manhinga ma mukuá moso u a eẋikila bhoxi dia kalatódio ka jisata ja kuoha, kala mu kithâdi bhu mbandu, a muelu ua balaka ia kutakanena.

Ijila 8:15

Anga u ka jibha; Mozé anga u tambula o manhinga, u a ta ku jimbinga ja kalatódio ni mulembu uê, anga u bonza o kalatódio kene koso, o manhinga a subhuka-ku anga u a eẋikila bhoxi dia kalatódio u ka bhangela kiamenga, u ka kôlesa.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Dialuilu 3:31

Kimbamba kiâ o álaka, ni meza, ni kaxtisale, ni jikalatódio, ni imbamba ioso iene mu bhanga na-iu kikalakalu kia dibhezelu, ni dibeka dia kibatulu ni ima ioso ia tokala-ku.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.