Makatukilu 25:22 - O Mikanda Ikola

²² Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Makatukilu 25:22 ပူးပေါင်းရင်းမြစ်များ

Dimatekenu 18:33

Jihova anga uia njila iê, kia zubha o ku di kunda ni Mbalahamu; Mbalahamu anga u vutuka bhu kididi kiê.

II Samuuele 6:2

Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

I Malunda 13:6

Bhenhobho, o Davidi-phe, anga ubanda ni Izalaiele ioso ku Bahalá, mu kutunda bhobho-phe aia katé ku Kidiate-Jadimi, mu ixi ia Juda, phala kuenhoko kubandesa o álaka iangene ia Nzambi, Jihova ua tunga muʼaxaxe ka jikelubini, uabhingi o ku thandu dia álaka iê kuene kua diondela o dijina diê.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 80:2

Bhu pholo ia Ifalaíme, ni Bejamí, ni Manasa, vunza nguzu ié, uize mu ku tu bhulula.

Jisálamu 90:1

Ngana, eie u kibuta kietu, kutunda muiji kuiza muiji.

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Makatukilu 30:36

Mbandu ia mukuá u i zuka, i kala fufutila, anga u i bhaka bhu pholo ia umbangi mu balaka ia kutakanena, bhene bhu ngi takanena jinga ni eie.

Makatukilu 30:6

U ka tula mu sala kunu, kifua kibatulu ki bhita ku dima diê, o ku dima dia kibatulu mu xilu, muene mu kala álaka ia umbangi, ni kibhuna kiê kia kiadi kia tula ku thandu, o moxi diê mu kala umbangi; kiene o kididi bhu tu takanena.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 31:6

Talesa ue, sai mukuâ nga mu bhana-nê phala ku mu kuatekesa, dijina diê Aholiiabe, monʼa Ahisamake, ku muiji ua Dane; ni athu amukuá oso ala jihete, nga a te ku miẋima iâ o kuijiia kua tokala, phala a tene kuiudika ima ioso i nga ku tumu.

Izaía 37:16

Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Izekiiele 43:6

Anga ngʼivua dízui dia ngi zuelesa dia tundu mu Tembulu, o muthu uiza hé uimana bhu mbandu iami.

Ijila 1:1

Jihova anga u ixana Mozé, u mu zuelesa mu balaka ia kutakanena muala, uixi:

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Dialuilu 17:4

Hé ua kà ji tula mu balaka ia kutakanena, bhu pholo ia umbangi, bhu nga-nda kuijiia kokuenu.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Afundixi 20:27

Anʼa Izalaiele anga ebhula kua Jihova. (Kuma izuua ienhoio o álaka ia kikutu kia Nzambi ii bhobho ni Finehase monʼa Eleazale, monʼa Alá, uemana bhu pholo ia álaka mu dibhezelu izuuʼoio.)

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi