Makatukilu 25:18 - O Mikanda Ikola

¹⁸ Anga u iudika ue ni jixelube jiiadi ja ulu; ufunu ua kusula u bhita-bhu; ji suka bhu pondo ni pondo ia kibhuna kia kiadi.

Makatukilu 25:18 ပူးပေါင်းရင်းမြစ်များ

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

I Malunda 28:18

Phala o kalatódio ka uasu ua dizumba, ulu ua fina uòzonge, mu kunema kuê. Kiene ue kimoxi ni ulu ua tokala dikalu dia Jikelubine, jòleka o mabhabha phala kuvungina o Alaka ia Kikutu kia Jihova.

II Malunda 3:10

Anga u iudika ue mʼonzo ia ukòlelu u kôla kinéne, jixelube jiiadi mu kidífua kia akua kuenda, hé u ji ta ue ulu.

Makatukilu 25:17

U iudika ue ni kibhuna kia kiadi, ki kale kia ulu ua fina; kulebha kuê kovado jiiadi ni kaxaxe, kuzanza kuê kôvado ni kaxaxi.

Makatukilu 25:19

Ku sungu ia kunu ku kala xelube imoxi, ku sungu ia koko xelube ia mukuá; ji di kuatenena kumoxi ni kibhuna kia kiadi ku ji sungu jê.

Makatukilu 25:36

Ni kixina ni jithangu ji kala kima kimoxi ni kandeia; iene ioso a i sudila kumoxi, ia ulu uòkenze.

Izekiiele 10:2

Iu ua zuelesa o muthu ua zuata o linhu, uixi: Di-tele mu malola, katé mʼoxiʼa xelubini, u vuote makala a túbhia mu kaxi ka jixelubini, o maku ezala muene, u a muangene ku thandu dia mbonge ioso. Muene hé u bokona muene mu malola, ku mesuʼami a kutala.

Izekiiele 10:20

Ene-â, ene o iama i nga muene bhoxi dia Nzambi ia Izalaiele, bhu mbanduʼa ngiji ia Kebale, hé ngʼijiia kuila jixelubini.

Izekiiele 10:3

Bhenhobho jixelube ja kexilile ku mbandu ia ʼkuaku lua kúdia lua inzu, kioso kia bokona o muthu; mu lumbu lua moxi anga muizala dituta.

Jihebeleu 9:5

O ku thandu dia álaka kua kexi jikelubini jibenha jʼedikiza o Kizunda kia Nzambi, joleka o mabhabha mù vungina o kididi kia kulolokela o ituxi. Ima ioso iii-phe ku i lombolola kindalʼiki mu kimoxi-kimoxi, ki tu tena.

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi