Makatukilu 24:7 - O Mikanda Ikola

⁷ Anga u kuata divulu dia kikutu, hé u tanga-mu hanji, mundu uoso iú uivua; anga amba, exi: Ioso ia tange Jihova, iene i tu bhanga, tu tumaka muene.

Makatukilu 24:7 ပူးပေါင်းရင်းမြစ်များ

I Jisobha 8:9

Kana dingi kima kia kexile mu álaka, kale o mabaia aiadi ngó a matadi, a tele-mu Mozé bhu mbandu ia mulundu ua Holebe, kioso Ngana kia tele kikutu ni anʼa Izalaiele, mu kutunda kuâ mu ixi ia Ijito.

II Malunda 15:14

Anga a di lokela kua Jihova, ni dízui dia suina, ni kutana ni kuxika jimbungu ni jikoloneta.

Jisálamu 50:5

Bhongololenu athu ami ósole eze bhu kinama kiami, oso a te kikutu ni eme mu ku ngi satela.

Jisálamu 78:36

A mu hanza-phe ngoho ni dikanu diâ, aia ni ku mu tela makutu ni dimi diâ.

Makatukilu 19:8

O mundu-phe uoso anga etaiela kumoxi, exi: Ioso ia tange Jihova, iene i tua-nda kubhanga. Mozé anga u vutuila Jihova kioso kia zuela o mundu.

Jelemiia 34:13

Jihova, Nzambi ia Izalaiele, uambe kiki: Eme nga ta kikutu ni jitata jenu, mu kizuua ki nga a katula mu ixi ia Ijitu, mʼonzo ia ubhika, ngixi:

Jelemiia 42:6

Kizuelu kiê, ki uabhiʼê mba ki ibhiʼê, dízui dia Jihova, Nzambi ietu, ku tua-nda ku ku tumikisa, diene di tua-nda kutumaka, phala tu muene-ku mbote, mu kutumaka dízui dia Jihova, Nzambi ietu.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Jipoxolo 13:15

Kiabhu o kutanga mu Kitumu kia Mozé ni mu jipolofeta, makota ma dilombe a tuma kua ambela, exi: Enu mu akuetu, athu se muambe ku a tela maka ma kulonga, kindala zuelenu.

Kolose 4:16

Mukanda iú se mua zubha ku u tanga mudienu, tumenu ue ku u tangesa mu Ngeleja ia akua Laodiseia; enu uenu mu tanga o mukanda u tunda ku Laodiseia.

I Tesalonika 5:27

Nga mi lokesa mu dijina dia Ngana, kuma mukanda iú mu tu tangela o jiphange joso.

Josuué 24:24

Kifuẋi kia vutuila Josuué, exi: Etu tua-nda kubhikila muene Jihova Nzambi ietu, tu tumaka o dízui diê.