Makatukilu 24:3 - O Mikanda Ikola

³ Mozé anga uiza u tangela o mundu maka moso ma Jihova, ni mabatuilu mê ma milonga; mundu uoso anga etaia ni dízui dimoxi, exi: Maka moso ma tange Jihova, ene muene u tu bhanga.

Makatukilu 24:3 ပူးပေါင်းရင်းမြစ်များ

II Malunda 15:14

Anga a di lokela kua Jihova, ni dízui dia suina, ni kutana ni kuxika jimbungu ni jikoloneta.

II Malunda 15:15

Juda ioso hé a sanguluka ni mulôko uenʼiú; mukonda a loka muene ni muẋima uâ uoso, ia a mu sota muene ni hânji ioso, ia a mu bongo. Anga Jihova ua bhana dinhohenu ku jimbandu joso.

Jisálamu 50:5

Bhongololenu athu ami ósole eze bhu kinama kiami, oso a te kikutu ni eme mu ku ngi satela.

Makatukilu 19:8

O mundu-phe uoso anga etaiela kumoxi, exi: Ioso ia tange Jihova, iene i tua-nda kubhanga. Mozé anga u vutuila Jihova kioso kia zuela o mundu.

Makatukilu 24:2

Mozé ngó ubheka uê u zukama kua Jihova; maji o ene-phe ka zukame-ku mba o mundu ue u banda-nê.

Makatukilu 24:7

Anga u kuata divulu dia kikutu, hé u tanga-mu hanji, mundu uoso iú uivua; anga amba, exi: Ioso ia tange Jihova, iene i tu bhanga, tu tumaka muene.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 34:13

Jihova, Nzambi ia Izalaiele, uambe kiki: Eme nga ta kikutu ni jitata jenu, mu kizuua ki nga a katula mu ixi ia Ijitu, mʼonzo ia ubhika, ngixi:

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Josuué 24:21

Kifuẋi-phe kiambela Josuué, exi: Lémbue, inda tu bhikila Jihova muene.

Josuué 24:22

Eme Josuué, uixi: Kalenu-phe mu jimbangi, kuma enu-enu mua solo Jihova, phala ku mu bhikila. Kuala ene, exi: Tu jimbangi muene!

Josuué 24:24

Kifuẋi kia vutuila Josuué, exi: Etu tua-nda kubhikila muene Jihova Nzambi ietu, tu tumaka o dízui diê.