Makatukilu 24:18 - O Mikanda Ikola

¹⁸ Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Makatukilu 24:18 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

I Jisobha 19:8

Muene-phe hé u balumuka, anga u dia, anga u nua; bhenhobho ni nguzu ia kudia koko kuadi, uenda makuinhʼauana a izuua ni makuinhʼauana a usuku, hé u bhixila ku Holebe, ku mulundu ua Nzambi.

Makatukilu 19:20

Jihova kia tuluka ku mulundu ua Sinai, u tula bhu thala ia mulundu; Jihova anga u ixana Mozé kubanda bhu thala ia mulundu; Mozé anga u banda.

Makatukilu 24:17

O kubenha kua kizunda kia Jihova, anga ku kala kala kitúbhia kia muzukuta kia uama bhu zoko-zoko dia mulundu, ku mesu ma anʼa Izalaiele.

Makatukilu 25:1

Jihova anga u ambela Mozé, uixi:

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 34:28

Mozé anga u kala kuenhoko ni Jihova, makuinhi auana a izuua ni makuinhi auana a usuku; ka di mbolo, ka nu menha. Jihova anga u soneka ku ibasakasa ia matadi o maka eneʼá a kikutu, o kuinhi dia ijiia.

Makatukilu 9:29

Mozé anga u mu ambela, uixi: Ngʼila ngi tunda ngó mu mbonge, ngi leka o maku mami kua Jihova; ua-nda mona-phe inuminu ia batuka, o matadi a bhuê-ku; phala eie u kʼijiie kuma ixi ioso iangene ia Jihova.

Makatukilu 9:33

Mozé anga u tunda mu mbonge, kia zubha kutunda kua Falaó, u sanzumuna maku mê kua Jihova; ni inuminu ni matadi anga a bhua-ku, o mvula i batuka kunoka mu ngongo.

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Matesu 4:2

O kia zubha kujila mu makuinhi auana a izuua ni makuinhi auana a usuku, u kala kiua ni nzala.

Marku 1:13

Anga u kala kuenhoko, ku ditutu, makuinhi auana a izuua, ni ku mu thendala kuala Satana. He u kala kumoxi mi iama, maji o ji-anju ji kala mu ku mu langidila.

Luka 4:2

Kuenhoko anga a mu thendala kuala Diabhu mu makuinhi auana a izuua. Ka di kima, izuua iosuʼoio; o ki iabhu, nzala ia mu kuata.

Matendelelu 10:10

Kienhokio-phe nga kexile dingi ku mulundu mu makuinhi auana a makumbi ni makuinhi auana a usuku, kala ki nga bhangele mu izuua ia dianga; o Jihova luenholo anga u ngʼivua dingi; iu ua fulu ku mi jima o mbutu.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Matendelelu 9:18

Anga ngi diʼumba bhu pholo ia Jihova, kala ki nga tuamene kiá kubhanga, ngi mukua makuinhi auana a makumbi ni makuinhi auana a usuku, ki bhua kúdia mbolo, ki bhua kúnua menha; dilamba diosoʼidi-phe kia di bheka o mulonga ua kituxi kienu ki mua lokalala na-kiu Jihova, ni ku mu thathamesa.

Matendelelu 9:25

Anga ngi fukama bhu pholo ia Jihova mu makuinhi auana a makumbi ni makuinhi auana a usuku, mukonda Jihova uambele kiá ku mi buikisa.

Matendelelu 9:9

O ki nga bandele ku mulundu mu kutambula mabaia ma matadi mabaia ma kikutu kia mi bhana Jihova, anga ngi bhanga-ku makuinhi auana a makumbi, ni makuinhi auana a usuku, anga ngi kalaʼmi muene kienhókio ki bhua kudia mbolo, ki bhua kúnua menha.