Makatukilu 24:17 - O Mikanda Ikola

¹⁷ O kubenha kua kizunda kia Jihova, anga ku kala kala kitúbhia kia muzukuta kia uama bhu zoko-zoko dia mulundu, ku mesu ma anʼa Izalaiele.

Makatukilu 24:17 ပူးပေါင်းရင်းမြစ်များ

II Samuuele 22:13

O kubenha kua mu tuamenena ku pholo ku uika muene makala ma túbhia.

II Samuuele 22:9

Mu mazulu mê mu fuafua dixi, mu kanu mu tuka túbhia tuia ni kuaúla; tu uika muene makala.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Izekiiele 1:27

Eme nga mono kidifua kia kìphembe ni ukalelu kala túbhia mʼoxi diê, tunde mua di-fu o malombo mê katé bhulu; o tundé mua di-fu o malombo mê, katé bhoxi, nga mono kidifua kia túbhia ni kubenha kua di muika mu jimbandu.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Matendelelu 4:24

Mbata Jihova Nzambi ié-ze ua di bhanga túbhia tua muzukuta, uene Nzambi ia difuba.

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Jihebeleu 12:18

Mbata enu ki mu eza, kala ki ejiie o mundu ua Izalaiele, bhua zukama ni kima kiẋikina ku ki babata kala o mulundu ua Sinai, ua uama tubhia, ni kuvunda kuê, ni usuku-ua-nzumba, ni kufuafua dixi,

Jihebeleu 12:29

Kuma kidi muene, Nzambi ietu tubhia tua uama, tu buikisa.