Makatukilu 24:16 - O Mikanda Ikola

¹⁶ O kubenha kua kizunda kia Nzambi-phe, kua xala ku thandu dia mulundu ua Sinai, dituta dia u vungina mu izuua isamanu, o mu kizuua kia kasambuadi-phe, Jihova anga u ixana Mozé, ua mu ixanena mu kaẋi ka dituta.

Makatukilu 24:16 ပူးပေါင်းရင်းမြစ်များ

Jisálamu 99:7

U a zuelesa jinga mu mufumbeji ua dituta, kioso ene kia kuata jinga o ijila iê ni ngonge ia a bhana.

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 20:10

Maji o kizuua kia kasambuadi-phe, kia sabhalu ia ngene ia Jihova Nzambi ié; mu kizuuʼiki kana kubhanga-mu kikalakalu kioso-kioso, né eʼmuene, mba monʼê ua diiala mba ua muhatu, né selevende ié ia diiala mba ia muhatu, né ibhaku ié, né musonhi ua ku tula mu lumbu lué;

Makatukilu 24:17

O kubenha kua kizunda kia Jihova, anga ku kala kala kitúbhia kia muzukuta kia uama bhu zoko-zoko dia mulundu, ku mesu ma anʼa Izalaiele.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Ijila 9:23

Bhenhobho ni Mozé ni Alá anga a bokona hanji mu balaka ia kutakanena; anga a tunda, hé a bhana o dibesá ku mundu; o kubenha kua Jihova anga ku tukulukila o kifuẋi kioso.

Ijila 9:6

Mozé anga u a ambela, uixi: Kia mi tumu Jihova kubhanga, kienhiki: o kubenha-phe kua Jihova kua-nda ku mi tukulukila.

Dialuilu 14:10

Kilômbo kioso kia Izalaiele-phe amba, exi: A bubienu ni matadi. Kubenha kua Jihova anga ku dʼidikiza mu balaka ia kutakanena ku mesu a anʼa Izalaiele oso.

Dialuilu 16:42

Anga ki bhita-phe kuila, kioso o kilômbo kioso ki a di bhongoluela mu kuzoka ni Mozé ni Alá, mu kulunguluka ku balaka ia kutakanena, a mona kuila o dituta dia i vungina, o kubenha kua Jihova kua di muika.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,