Makatukilu 24:12 - O Mikanda Ikola

¹² Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 24:12 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Nehemiia 9:14

Anga u a ejidisa o sabhalu ié ikôla; hé u a tumikisa o matendelelu, ni jingonge, ni ijila, ni kitumu mu ukunji ua mubhikʼé Mozé.

Jisálamu 19:12

Nanhi u tena ku di tongolola o isenga iê-muêne? Ngi loloke, Ngana, o ikuma ioso ia ngi jimbi eme-muène.

Makatukilu 19:3

Mozé anga u banda kua Nzambi, Jihova anga u mu ixana mu kaẋi ka mulundu, uixi: Uambela kiki o dibhata dia Jakobo, u ambela anʼa Izalaiele, kuila:

Makatukilu 24:15

Mozé anga u banda mu mulundu. Mulundu uoso-phe a u vungina ku dituta.

Makatukilu 24:18

Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Makatukilu 24:2

Mozé ngó ubheka uê u zukama kua Jihova; maji o ene-phe ka zukame-ku mba o mundu ue u banda-nê.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Matesu 5:19

Kienhiki, uoso ku Kitumu u tondala-ku kijila kimoxi kia ndenge, anga u longa athu ku ki tondala, muène a mu ixana ndenge mu Utuminu ua Diulu. Uoso-phe u tumaka o Kitumu ni ku ki bhanga, hé u longa ue akuá o ku ki bhanga, muène a mu ixana dikota mu Utuminu ua Diulu.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

Matendelelu 4:14

Bhenhobho, Ngana ua ngi tumine ue o ku mi longa jingonge ni mabatuilu, phala enu mua kà a bhange jinge ki mua kà zubha kubokona mʼoxi i mua-nda kutambula mu ubhingano.

Matendelelu 5:22

Makʼama mene Jihova ma jimbuila mundu uenu uoso ki mua bhongolekele bhu mbanduʼa mulundu, anga muene uzuelela mu kaẋi ka túbhia, mu matuta maxiti mavundu, ni kuene buí, o dízui diia ni kubhana mutendu ua suina, kuabhu-phe, ka te-ku dingi kima; kienhókio iú ua ma sonekene ku mabáia maiadi ma matadi; anga u ngi bhana-nâ eme.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.