Makatukilu 24:11 - O Mikanda Ikola

¹¹ Adiakimi enhá, a a solo mu anʼa Izalaiele, muene ka a zengela lukuaku luê; bhenhobho a mona Nzambi, anga a dia, a nua.

Makatukilu 24:11 ပူးပေါင်းရင်းမြစ်များ

Dimatekenu 16:13

Hangale anga u bhana dijina kua Jihova ua mu zuelesa, uixi: Eie u Nzambi uene mu kumona; kuma uambe, uixi: Eme uami, bheniʼabha ki ngi mono Nzambi mukua ku ngi mona?

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 31:54

Jakobo anga u jibha ibhaku, u bhanga sata mu mulundu muenhomo, hé uixana phange jê mu kúdia kizokola.

I Jisobha 21:8

Bhenhobho muhatuʼê u soneka mikanda mu dijina dia Akabe, anga u i jika ni kidimbu kia sobha; mikanda anga u i tumikisa ku adiakimi ni ku jingana ja kexile mu sanzala ia kexile Nabote.

II Malunda 23:20

Hé a katula jikabhitangu, ni makota ma jinganga, ni ió a tumina mu kaẋi ka mundu, ni mundu uoso a tokala mu ixi, anga endesa sobha mu kutunda mʼonzo ia Jihova, hé a bokuena bhu muelu ua dikota, mʼonzo ia sobha, anga a xikamesa sobha ku kiandu kia ungana.

Nehemiia 2:16

Anga makota ma jingana a kamba kuijiia kuoso nga ile ni kioso ki ngendele mu bhanga-ku; mbata katé kithangʼokio akua Juda, ni jingana, ni makota, ni akua dingi a kexi mu bhanga o kikalakalu, ki ngʼa tangelele luua kima kioso-kioso.

Jisálamu 139:5

Ua ngi kondo ku pholo ni ku dima, eie ua ngi tula o lukuaku lué kuthandu.

Makatukilu 18:12

Jetulu, ukouʼa Mozé, anga u kuata kibhaku kia kuoha, ni jisata ja Nzambi; Alá anga uiza, ni adiakimi oso a Izalaiele, a dia fesa ni ukouʼa Mozé, bhu pholo ia Nzambi.

Makatukilu 19:21

Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 24:1

Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Daniiele 10:17

Selevende ié-phe, Nganʼami, tata, ki ngalʼiki, ngi tena kiebhi kuzuela ni Ngana iami ió? Mukonda nga bulukuta, nguzu ki ngala na-iu dingi, o muha ngó ua kubhuima iú u ngi-bhua kiá moxi.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Dialuilu 21:18

Kixima kia kande ilamba, Adiakimi a vota o mavu, Mbasá bhu maku ni jimbangala ja ulamba uâ! Kutunda bhobho mu kikangalakata a tula bhu Matana;

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Matendelelu 4:33

Mba kua kexi kiá muiji ua athu ua tenene kuívua dízui dia Nzambi u zuelela mu milengu iuama, kala ki ua dʼivu eiʼki anga u kola muenhu?

Afundixi 13:22

Manoua anga u ambela mukajiʼê, uixi: Tua-ndu fua, mukonda Nzambi tua mu mono mesu.

Afundixi 5:13

Mundu ua Jihova bhenhobho a tundu, ni ikuinda iê, oso a xala-ku, a tundu mu bhânga, mazonda ni mazonda.