Makatukilu 24:10 - O Mikanda Ikola

¹⁰ anga a mona Nzambi ia Izalaiele, kala inama ua i tula ku mateia ma azulu, mukuâ ni matadi ma safídia, mesu a bhitakena kala uala mu tala o diulu.

Makatukilu 24:10 ပူးပေါင်းရင်းမြစ်များ

Dimatekenu 32:30

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

Dimatekenu 32:31

Dikumbi anga di mu tundila kioso kia katuka mu kubhita bhu Peniiele, kuma uala kuia ni kutenguna mukonda dia disokuelu dia kinama.

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

II Malunda 6:17

Uila kiki, Jihova, Nzambi ia Izalaiele, kizuelu kié ki di bhange ki ua tanga kua mubhikʼé Davidi.

Makatukilu 24:11

Adiakimi enhá, a a solo mu anʼa Izalaiele, muene ka a zengela lukuaku luê; bhenhobho a mona Nzambi, anga a dia, a nua.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 33:20

Uixi-phe dingi: pholo iami ku tena ku i mona; kuma kana muthu u tena ku ngi mona nʼa laie.

Makatukilu 33:23

O kioso ki ngi katula lukuaku, eiʼu ngi mona ngó dikunda; kuma o Pholo iami kana muthu u tena ku i mona.

Mukumbi ua Mikumbi 5:14

O maku mê medi kala malenge ma ulu, a a sokeka ni ditadi dia jasindu. O mala mê ni thulu iê a zele kala mazu ma nzamba ezala ni matadi a jisafídia.

Mukumbi ua Mikumbi 6:10

Nanhi muenʼiú ua mu tukuluka ni ku di muika kala ukielu ua kimene, ua uabha kala mbeji, ua di muika kala dikumbi, ukôla mukua ni kifuxi kia masoladi ambata mabandela phala kúlua ita?

Kuditenda 4:7

O ilamba iê ki ia kexi, mu kulekujuka neve ndenge; o mu kuzela ue kota o lete ndenge; o mu kusuka mikutu, ene kota o makoladi ndenge; aẋanana kiambote, katé mu kulujela a somboka o jisafídia!

Izekiiele 1:1

Ku muvu ua makuinhi a tatu, mu kizuua kia katanu ku mbeji ia kauana, anga ki bhita kuila, kioso ki ngala mu kaxi ka jihutile, bhu ndundu ia ngiji ia Kebale, maúlu a jikuka eme hé ngi mona isunji ia Nzambi.

Izekiiele 10:1

Kienhokio-phe ki nga tale nga mono kuila ku diulu dia kexile ku thandu dia mítue ia jixelube kua tukuluka ku thandu diâ, kima kala ditadi dia Safídia, kia moneka kala kídifua kia kiandu.

Daniiele 10:17

Selevende ié-phe, Nganʼami, tata, ki ngalʼiki, ngi tena kiebhi kuzuela ni Ngana iami ió? Mukonda nga bulukuta, nguzu ki ngala na-iu dingi, o muha ngó ua kubhuima iú u ngi-bhua kiá moxi.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 14:9

Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?

Nzuá 6:46

Kiki-phe ki mukonda dia kuila sai kiá muthu ua mono Tata; inda iuná ngó ua tundu kua Nzambi, muène ua mono Tata.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

I Nzuá 4:12

Nzambi kiluua a mu mona mesu ku muthu. Etu-phe se tua di zolo mudietu, Nzambi u kala ku ukamba ni etu, o henda iê i kala ia tenena moxi dietu.

Dijingunuinu 1:16

Bhu lúkuaku luê lua dilu ua kuata sambuadi dia théthembua, o mu dikanu diê mu fomoka xibhata iatu, ia mazu aiadi. O pholo iê i benha mukuâ ni dikumbi ki di kala mu nguzu iê ia kumuika mu mediia.

Dijingunuinu 21:11

Ia benha ni kubenha kua Nzambi. O mbanza kumuika kuê kua di fuangana ni diiamande dia te kiavulu, di lekujuka kala tadi dia jaspe, mukuâ ni vídulu ia kenzuluka kiambote.

Dijingunuinu 4:3

Muène ua xikama bhu kiandu, ku mu tala mesu, uedi kala ditadi dia jáxipe ni dia salado mu kubenha. Anga kukala hongolo ia kondoloka o kiandu, kidifua kiê mukuâ ni ditadi dia zemelada.